ભારતીય અર્થવ્યવસ્થાએ પકડી ગતી, ચાલુ નાણાકીય વર્ષના પ્રથમ ક્વાર્ટરમાં GDP 13.5 ટકા

સરકારે બુધવારે ચાલુ નાણાકીય વર્ષના પ્રથમ ક્વાર્ટર એટલે કે નાણાકીય વર્ષ 2022-23ના પ્રથમ ત્રિમાસિક ગાળાના વિકાસ દરના આંકડા જાહેર કર્યા. આ આંકડાઓએ આર્થિક મોરચે સરકારને રાહતના સમાચાર આપ્યા છે. એપ્રિલ-જૂન 2022-23માં ભારતની અર્થવ્યવસ્થા 13.5 ટકાના દરે વૃદ્ધિ પામી છે, જે રાહતની વાત છે. જોકે, આરબીઆઈએ આ આંકડો 16.2 ટકા રહેવાનો અંદાજ મૂક્યો હતો. એટલે કે વિકાસ દર આરબીઆઈના અંદાજ કરતા ઓછો છે.

કોરોના મહામારી બાદ ભારતીય અર્થતંત્ર વેગ પકડી રહ્યું છે. નાણાકીય વર્ષ 2022-23ના પ્રથમ ક્વાર્ટરમાં વિકાસ દર 13.5 ટકા પર પહોંચી ગયો છે. સરકારે આજે આ આંકડા જાહેર કર્યા છે, જ્યારે 2021-22ના પ્રથમ ત્રિમાસિક ગાળામાં GDP 20.1 ટકા હતો, જાન્યુઆરીથી માર્ચ ક્વાર્ટરમાં વૃદ્ધિ દર 4.1 ટકા પર પહોંચી ગયો છે.

English summary

India's GDP 13.5 percent in the first quarter of the current financial year