ચીન સાથે વિવાદ વચ્ચે ભારતને વધુ એક સફળતા, પૃથ્વી 2 મિસાઈલનું સફળ પરીક્ષણ

નવી દિલ્હીઃ ચીન સાથે પાછળા પાંચ મહિનાથી વિવાદ ચાલી રહ્યો છે. આ દરમ્યાન કેટલીયવાર બંને દેશો વચ્ચે યુદ્ધની પણ સ્થિતિ બની ગઈ હતી. જ્યારે બીજી તરફ પાકિસ્તાન પણ પોતાની નાપાક હરકતોથી બાજ નથી આવી રહ્યું. આ બધા પડકારો વચ્ચે શુક્રવારે ભારતને મોટી સફળતા હાથ લાગી છે. જે અંતર્ગત પૃથ્વી 2 મિસાઈલનું સફળ પરીક્ષણ થયું. આ મિસાઈલ આસાનીથી 250 કિમી દૂર સ્થિત પોતાના લક્ષ્યને ભેદી શકે છે.

1 ટન વિસ્ફોટક લઈ જવા સક્ષમ

પૃથ્વી 2 મિસાઈલ પહેલેથી જ સ્ટ્રેટેજિક ફોર્સ કમાંડનો ભાગ છે. જે કારણે સ્ટ્રેટેજિક ફોર્સ કમાંડે શુક્રવારે સાંજે ઓરિસ્સાના તટથી આ મિસાઈલનું પરીક્ષણ કર્યું, જે સંપૂર્ણપણે સફળ રહ્યું. લિક્વિડ- પ્રોપેલ્ડ પૃથ્વી 2 મિસાઈલની રેંજ 250 કિમી છે. સાથે જ આ એક ટનનો વિસ્ફોટક લઈ જઈ શકે છે. DRDOએ આ 9 મીટર લાંબી મિસાઈલને ઈંટીગ્રેટેડ ગાઈડેડ મિસાઈલ ડેવલપમેન્ટ પ્રોગ્રામ અંતર્ગત વિકસિત કરી હતી, જે સપાીથી સપાટી પર પ્રહાર કરતી પહેલી સ્વદેશી મિસાઈલ હતી.

40 દિવસમાં 11મી ટેસ્ટ

ત્રણ અઠવાડિયમાં આ પૃથ્વી 2નું બીજું સફળ પરીક્ષણ છે. અગાઉ ડીઆરડીઓએ ગોપનીય રીતે 27 સપ્ટેમ્બરે આ પરમાણુ મિસાઈલનું સફળ પરીક્ષણ કર્યું છે. શુક્રવારે થયેલ પરીક્ષણને મલ્ટી ફંક્શન રડાર અને ઈલેક્ટ્રો- ઑપ્ટિક ટેલીમેટ્રો સ્ટેશનોથી ટ્રેક કરવામાં આવ્યા. આ દરમ્યાન મિસાઈલ દરેક મોર્ચે ખરી ઉતરી. સીમા વિવાદ વચ્ચે આ મિસાઈલના પરીક્ષણથી દુશ્મન દેશોની ચિંતા વધવી યોગ્ય છે.

રૂદ્રમનું પણ સફળ પરીક્ષણ

ભારતે અગાઉ 8 ઓક્ટોબરે વધુ એક મિસાઈલનું સફળ પરીક્ષણ કર્યું હતું. આ દરમ્યાન ડિફેંસ રિસર્ચ એન્ડ ડેવલપમેન્ટ ઓર્ગેનાઈઝેશન દ્વારા વિકસિત એન્ટી- રેડિએશન મિસાઈલ રુદ્રમે પોતાનો લક્ષ્ય ભેદ્યો હતો. આ મિસાઈલને પૂર્વી તટ પર સુખોઈ-30 વિમાનથી દાગવામાં આવ્યું. અગાઉ ભારતે 3 ઓક્ટોબરે શૌર્ય મિસાઈલનું પરીક્ષણ કર્યું હતું.

English summary

India successfully tests Prithvi-2 missile