Click it and Unblock the Notifications
Just In
-
-
-
-
Don't Miss
-
તમારો પાસવર્ડ હૅક થઈ શકે એમ છે કે નહીં? બસ આ રીતે જાણો -
#BlueWarrior બનો! ભારતના કોવિડ વૉરિયર્સની મદદ માટે જોશ એપના અભિયાનમાં ભાગ લો
ભારતીયોને ગમી રહ્યુ છે સિંગાપુર, ટુરિસ્ટ પ્લેસનો ઉઠાવી રહ્યા છે લુત્ફ, 4 મહિનામાં 1 લાખ લોકોએ કરી યાત્રા
સિંગાપુરમાં બૉર્ડર ફરીથી ખુલ્યા બાદ વિદેશી પર્યટકોની સંખ્યા સતત વધી રહી છે.
નવી દિલ્લીઃ સિંગાપુરમાં બૉર્ડર ફરીથી ખુલ્યા બાદ વિદેશી પર્યટકોની સંખ્યા સતત વધી રહી છે. સિંગાપુર સરકારે આ વર્ષની શરુઆતમાં પોતાની બૉર્ડરને ફરીથી ખોલી દીધી હતી. ત્યારબાદ આવનારા પર્યટકોની સંખ્યામાં ભારે વધારો થયો છે. વિઝિટર તરીકે ભારતીયોની સંખ્યા સૌથી વધુ છે. સીમા ખુલતા જ ભારતીય પર્યટકોએ સૌથી વધુ સિંગાપુરની યાત્રા કરી. જે પ્રવાસીઓએ કોરોનાની રસી લીધી છે તેઓ હવે કોરોના ટેસ્ટ વિના પણ પ્રવેશ મેળવી રહ્યા છે. પહેલાની જેમ ટેસ્ટ કરાવવા પર પોઝિટિવ રિપોર્ટ આવ્યા બાદ કૉરંન્ટાઇન કરવાની ફરજ હવે દૂર કરવામાં આવી છે. માત્ર એ જરૂરી છે કે પ્રવાસીએ કોરોનાની રસી લીધી હોય. તે પછી તેઓ સરળતાથી પ્રવેશ મેળવે છે.
પ્રવાસી વિસ્તારોની આસપાસ પ્રવાસીઓની અવરજવર વધુ જોવા મળી રહી છે. પ્રવાસીઓ જતા અને પરત ફરતા આ વિસ્તાર હવે ધમધમી ઉઠ્યો છે.પ્રવાસીઓ કરતાં વધુ લોકો વ્યવસાય સંબંધિત કામ માટે લોકો આવી રહ્યા છે. પર્યટન સેવાઓ જેવી કે ઓપન ટૉપ ટુર બસો અને ટ્રિશૉ સનટેક સિટી અને રોચોર રોડ પર જોઈ શકાય છે. પ્રવાસીઓ એક જગ્યાએથી બીજા સ્થળે સરળતાથી પહોંચી શકે છે.
કોરોના પછી મોટી સંખ્યામાં સિંગાપોર જઈ રહ્યા છે લોકો
એપ્રિલમાં મુલાકાત લેનારા પ્રવાસીઓની સંખ્યા માર્ચના આંકડા કરતાં બમણી જોવા મળી હતી. માર્ચમાં 121,200 પ્રવાસીઓ હતા, જ્યારે એપ્રિલમાં 294,200 મુલાકાતીઓ સિંગાપોર આવ્યા હતા. આ આંકડા સિંગાપોર ટુરિઝમ બોર્ડ દ્વારા જાહેર કરવામાં આવ્યા છે. જો કે આ કોરોના પહેલાના આંકડાઓ કરતા ઘણું ઓછું છે પરંતુ જ્યારે કોરોનાએ ફરીથી બોર્ડર ખોલી છે ત્યારે આ આંકડો તેના હિસાબે વધુ છે.
ભારતીયોની સંખ્યા વધુ
સિંગાપોરની મુલાકાત લેનાર ભારતીયોનો સમૂહ સૌથી મોટો રહ્યો છે. જાન્યુઆરીથી એપ્રિલ દરમિયાન લગભગ 95,500 ભારતીયો સિંગાપોરમાં પ્રવેશ્યા હતા. ઈન્ડોનેશિયાના લોકો 89,700 સાથે બીજા ક્રમે છે અને મલેશિયાના લોકો 45,600 સાથે સિંગાપુર ગયા છે.
લિટલ ઈન્ડિયા ધમધમ્યુ
સેરંગૂન રોડમાં લિટલ ઈન્ડિયા ફરીથી ધમધમી રહ્યુ છે. લોકોએ સાથે ફરવાનુ શરુ કરી દીધુ છે. ખાસ કરીને સપ્તાહના અંતે જ્યારે પ્રવાસી શ્રમિકોને રજા હોય છે ત્યારે તેઓ પ્રવાસી વિસ્તારોનો જોરદાર આનંદ માણે છે. અગાઉ આ કામદારોને કોરોના રોગચાળા દરમિયાન બહાર જવાની મંજૂરી નહોતી. હવે લિટલ ઈન્ડિયા ફરી ધમધમ્યુ છે.
