Jharkhand Election 2024 : ઝારખંડમાં બીજેપીનો એકમાત્ર મુદ્દો ધ્રુવીકરણ અને સાંપ્રદાયિક વાયરલ ફેલાવવાનો-કોંગ્રેસ

Jharkhand Assembly Election 2024 : લોકોને ધાર્મિક મુદ્દાઓ પર ભડકાવીને મતોનું ધ્રુવીકરણ કરતી બીજેપી પર ઝારખંડ ચૂંટણીને લઈને કોગ્રેસે મોટા આરોપ લગાવ્યા છે.

બીજેપીએ ઘોષણાપત્ર જારી કર્યા બાદ કોંગ્રેસ હમલાવર જોવા મળી રહી છે. ઘણા વિવાદાસ્પદ વાયદાઓ પર કોંગ્રેસે આકરા પ્રહાર કર્યા છે.

કોંગ્રેસ મહાસચિવ જયરામ રમેશે એક X પોસ્ટમાં જણાવ્યું કે, કેન્દ્રીય ગૃહમંત્રી અમિત શાહ અને આસામના મુખ્ય પ્રધાન હિમંતા બિસ્વા સરમાની ભાષાથી સ્પષ્ટ છે કે બીજેપી ચૂંટણી દરમિયાન ધર્મના નામે ધર્માંધતા, પૂર્વગ્રહ અને નફરત ફેલાવવા પર જ ભરોસો કરશે.

તેમણે કહ્યું કે, ભાજપ જાતિ ગણતરીના મુદ્દાઓ અને રાજ્યના વિકાસને સુનિશ્ચિત કરવાની કેન્દ્ર સરકારની જવાબદારીઓ પર મૌન છે.

તેમણે આગળ કહ્યું કે, ઝારખંડ માટે આજે જાહેર કરાયેલા મેનિફેસ્ટોથી તે સ્પષ્ટ છે કે ભાજપ પાસે માત્ર એક જ ચૂંટણીનો મુદ્દો છે ધ્રુવીકરણ અને સાંપ્રદાયિક વાયરસનો ફેલાવવાનો.

તેમણે આગળ કહ્યું કે, મેનિફેસ્ટો જારી કરનારા કેન્દ્રીય ગૃહમંત્રી અને તેમના પ્રચાર પ્રભારી આસામના મુખ્યમંત્રીની ભાષાથી તે સ્પષ્ટ છે કે રાજ્યમાં જેએમએમ-કોંગ્રેસ સરકારની ભારે લોકપ્રિય અને પ્રભાવશાળી યોજનાઓનો ભાજપ પાસે કોઈ જવાબ નથી.

અન્ય એક પોસ્ટમાં જયરામ રમેશે કહ્યું કે, જનતા પાસેથી મત માગતા પહેલા ઝારખંડને કોલસાની બાકી રહેલી રોયલ્ટી તરીકે 1.36 લાખ કરોડ રૂપિયા રિલિઝ કરવામાં વિલંબ માટે ભાજપે હિસાબ આપવો જોઈએ. ગૈર જૈવિક પીએમની સરકારે ઝારખંડ સરકારને કોલ રોયલ્ટીના કારણે 1.36 લાખ કરોડ ચૂકવવાનો શા માટે ઇનકાર કર્યો?

English summary

Jharkhand Election 2024: Polarization and Communalism Only Issue of BJP in Jharkhand - Congress