ગીતિકા આત્મહત્યા કેસ: ગોપાલ કાંડાને મળ્યા વચગાળાના જામીન
કાંડાના વકિલે દલિલ આપી હતી કે તેમના અસિલ હરિયાણા વિધાનસભાના સભ્ય છે અને તેમને પાંચ સપ્ટેમ્બરથી શરૂ થઇ રહેલી કાર્યવાહીમાં ભાગ લેવા માટે મંજૂરી આપવી જોઇએ. વકીલે જણાવ્યું કે મારા અસિલ હરિયાણાની સિરસા વિધાનસભાનું પ્રતિનિધિત્વ કરે છે અને તેમની પર જનતાના હિત સંરક્ષિત કરવાની જવાબદારી છે. આવી સ્થિતિમાં તેમને વિધાનસભાની કાર્યવાહીમાં ભાગ લેવાની પરવાનગી આપવી જોઇએ.
જોકે કોર્ટે કાંડાના જામીન અરજીને મંજર કરવાની સાથે ઘણી બધી શરતો પણ મૂકી. સત્ર ન્યાયાધીશે જણાવ્યું કે અરજીકર્તા દેશ છોડીને નહીં જઇ શકે. સાથે સાથે તેમણે ન્યાયિક પ્રક્રિયામાં સહયોગ પણ કરવો પડશે. કોર્ટે જામીન પર છોડ્યા પહેલા કાંડાને પાંચ લાખ રૂપિયાનો બોન્ડ પણ ભરવા જણાવ્યું.
જોકે દિલ્હી પોલીસે આ મામલાની અન્ય આરોપી અને કાંડાની દોસ્ત અરુણા ચઢ્ઢાની જામીન અવધિ ઓછી કરવાની કોર્ટને વિનંતી કરી. ચઢ્ઢા 15 નવેમ્બર સુધી જામીન પર મુક્ત છે. ઉલ્લેખનીય છે કે કાંડા પર ગીતિકા શર્માને આત્મહત્યા કરવા માટે ઉશ્કેરવા અને ચઢ્ઢા પર મુખ્ય આરોપીની મદદ કરવાનો આરોપ છે.