મોદી અને ગુજરાત અંગે બોલતા પહેલા કપિલ 'હોમવર્ક' કરે: ભાજપ
નવી દિલ્હી, 29 નવેમ્બર: ભાજપે કેન્દ્રીય કાનૂન મંત્રી કપિલ સિબ્બલના એ આરોપને ખોટો ગણાવ્યો કે ગુજરાત દેશનું સૌથી દેવાદાર રાજ્ય છે. ભાજપે જણાવ્યું કે કોંગ્રેસે નરેન્દ્ર મોદીના વિકાસ કાર્યોને મિથ્યા સાબિત કરવાના પ્રયાસમાં તેમના પર પાયાવિહોણા આરોપ લગાવવા બંધ કરવા જોઇએ.
મુખ્ય વિપક્ષી પાર્ટીના પ્રવક્તા પ્રકાશ જાવડેકરે જણાવ્યું કે 'સિબ્બલે જે આંકડાઓ આપ્યા છે તેની પર તેઓ પોતે વિશ્વાસ નહીં મૂકી શક્યા હોય. તેમણે આંકડાઓને ખૂબ જ ફંફોસ્યા હશે પરંતુ મિથ્ય તથ્યો જ સામે આવ્યા છે. તેઓ ગુજરાત અને નરેન્દ્ર મોદી અર્થવિહોણા આરોપ લગાવી રહ્યા છે.'
કાનૂનમંત્રીએ આજે નરેન્દ્ર મોદીના વિકાસના દાવાઓની પોલ ખોલવાનો પ્રયાસ કરતા કહ્યું કે ગુજરાત મોડેલને લઇને જે વધારી ચઢાવીને વાત કરવામાં આવી રહી છે, તે પાયાવિહોણી વાતો છે. સિબ્બલે અત્રે 32 પેજનો એક દસ્તાવેજ જારી કર્યો. જેમાં વિભિન્ન પ્રતિમાઓ પર ગુજરાતના પ્રદર્શન અંગે આંકડાઓ આપવામાં આવ્યા છે, અને તેના આધાર પર તેમણે જણાવ્યું છે કે મોદીનું રાજ્ય ભારતનું સૌથી વધારે દેવાદાર રાજ્ય છે.
ભાજપ પ્રવક્તાએ દાવો કર્યો કે ગુજરાતનું દેવું તેનું તેના ઘરેલું ઉત્પાદનના માત્ર 14 ટકા જ છે. તેમણે જમાણ્યું કે આ ઉપરાંત ત્યાં પ્રતિ 1000 વ્યક્તિ પર માત્ર સાત જ બેરોજગાર છે. રાજ્યમાં કૃષિનો વિકાસ દર દસ વર્ષથી 10 ટકા કરતા વધારે છે.
Click it and Unblock the Notifications
Sign in with Google
