છત્તીસગઢ સરકારે કરીના પર લુંટાવ્યાં 1.40 કરોડ
રાયપુર, 14 ડિસેમ્બર : છત્તીસગઢ સરકારે રાજ્ય સ્થાપના દિવસ ઉત્સવમાં બૉલીવુડના બેબો એટલે કે કરીના કપૂરના માત્ર 8 મિનટના ડાંસ માટે 1 કરોડ રુપિયા 40 લાખ રુપિયા લુંટાવી દીધાં. કોંગ્રેસના એક ધારાસભ્ય મહોમ્મદ અકબરે વિધાનસભામાં આ વ્યર્થ ખર્ચ અંગે સવાલ ઊભો કર્યો છે. આ પૈસા રાજ્ય સરકારના સાંસ્કૃતિક વિભાગે લુંટાવ્યાં છે.
હકીકતમાં 1લી નવેમ્બરથી 7મી નવેમ્બર દરમિયાન છત્તીસગઢ રાજ્યોત્સવ ઉજવાયું. આ ઉત્સવમાં બૉલીવુડના અનેક કલાકારો સાથે કરીના કપૂર પણ હાજર રહ્યાં. કરીનાને ઉત્સવમાં બોલાવવા માટે ચાર્ટર્ડ પ્લેન મોકલવામાં આવ્યો તથા રાજ્યના સાંસ્કૃતિક વિભાગે કરીનાને ડાંસ માટે પૂરા 1.40 કરોડ રુપિયા ચુકવ્યાં. કરીના કપૂર મંચે માત્ર 8 મિનિટ નાચ્યાં અને જતા રહ્યાં.
કરીના કપૂર ઉપરાંત ઉત્સવમાં સોનૂ નિગમ, સુનિધિ ચૌહાણ, વિશાલ શેખર, દીયા મિર્ઝા તથા આયુષ્માન ખુરાનાને પણ લાખોની ચુકવણી કરાઈ. ચોંકાવનારી બાબત એ છે કે રાજ્યના જ પદ્મભૂષણ સન્માનિત કલાકાર તીજન બાઈને તેમની રજુઆત બદલ માત્ર 60 હજાર રુપિયા મળ્યાં. રાજ્યના બીજા કલાકારોને તો માત્ર કેટલાંક હજાર રુપિયામાં લાંબા સમય સુધી સ્ટેજ ઉપર પરફૉર્મ કરવુ પડ્યું. આ ઉડાઉખર્ચ પછી કોંગ્રેસે મુખ્યમંત્રી રમણ સિંહ સામે સવાલો ઊભા કર્યાં છે.
Click it and Unblock the Notifications
Sign in with Google
