Karnataka Exit Poll : Times Now-ETG ના એક્ઝિટ પોલમાં કોંગ્રેસને બહુમત, જાણો બીજેપીને કેટલી સીટ?

કર્ણાટકમાં ચૂંટણી પુરી થયા બાદ આવી રહેલા એક્ઝિટ પોલમાં કોંગ્રેસને સાફ બહુમતિ મળી રહી છે. 13 મેંના રોજ પરિણામો આવશે તે પહેલા જ પોલના પરિણામો જોતા કોંગ્રેસમાં ઉત્સાહનો માહોલ છે. બીજી તરફ રાજ્યમાં બીજેપીને સત્તા ગુમાવવી પડી શકે છે.

કર્ણાટક વિધાનસભા ચૂંટણી માટે ટાઇમ્સ નાઉ-ઇટીજી રિસર્ચ એક્ઝિટ પોલમાં કોંગ્રેસને બહુમતી મળવાની આગાહી કરાઈ છે. આ પોલમાં પાર્ટીને વિધાનસભામાં 113 સીટો મળી શકે છે. આ એક્ઝિટ પોલમાં જેડીએસને રાજ્યમાં 23 અને અન્યને 3 બેઠકો મળવાનો અંદાજ છે.

કર્ણાટક વિધાનસભાની 224 બેઠકો માટે મતદાન શાંતિપુર્ણ રીતે પુર્ણ થઈ ગયુ છે. આ ચૂંટણીમાં રાજ્યમાં મુખ્ય મુકાબલો સત્તાધારી બીજેપી અને મુખ્ય વિરોધ પક્ષ કોંગ્રેસ વચ્ચે છે. જેડીએસ ત્રીજી મોટી પાર્ટી છે. જેડીએસ આ વખતે કિંગ મેકર બની શકે છે.

આ વખતે કર્ણાટકમાં કુલ 5.3 કરોડ મતદારોએ 224 બેઠકો માટેના ઉમેદવારોનું ભાવિ નક્કી કર્યુ છે. જેનો ખુલાસો 13 મેંના રોજ થશે. આમાં 2.66 કરોડ પુરૂષ અને 2.63 કરોડ મહિલા મતદારો છે. આ વખતે રાજ્યના કુલ 2,613 ઉમેદવારો ચૂંટણી લડી રહ્યા છે. આ ઉમેદવારોમાં 2,427 પુરુષ અને 185 મહિલા ઉમેદવારો છે.

આ ચૂંટણીમાં મોટી સંખ્યામાં નેતાઓએ પાર્ટી બદલતા પુરૂ ગણિત બદલાયુ છે. વર્તમાન વિધાનસભામાં ભાજપ પાસે કુલ 117 ધારાસભ્યો છે. કોંગ્રેસ પાસે 69 અને જેડીએસ પાસે 29 ધારાસભ્યો છે.

સંભવિત સીટો
ભાજપ : 85
કોંગ્રેસ : 113
જેડીએસ : 23
અન્ય : 3
કુલ બેઠકો : 224

English summary

Karnataka Exit Poll: Times Now-ETG's exit poll gives Congress majority, know how many seats for BJP?