કિંગફિશર સોમવારે કર્મચારી પ્રતિનિધિઓ સાથે બેઠક યોજશે

નવી દિલ્હી, 14 ઑક્ટોબર : સંકટગ્રસ્ત કિંગફિશર એરલાઇન્સે તેના કર્મચારીઓના બાકી વેતન અંગે ઉભી થયેલી મુશ્કેલીનો ઉકેલ લાવવા માટે સોમવારે મુંબઇમાં કર્મચારી પ્રતિનિધિઓ સાથે બેઠક યોજવાનું આયોજન કર્યું છે. ઉલ્લેખનીય છે કે કિંગફિશર ધોષણા કરી ચૂકી છે કે 20 ઑક્ટોબરથી તે કામકાજ બંધ કરશે.

આ અંગે એરલાઇન્સના સૂત્રોએ જણાવ્યું કે કંપનીના સીઇઓ સંજય અગ્રવાલે પત્ર લખીને કર્મચારીઓને બેઠકમાં ભાગ લેવા માટે જણાવ્યું છે. કર્મચારીઓ છેલ્લા 7 મહિનાથી બાકી વેતન ચૂકવી દેવા મુદ્દે હડતાલ પર છે. કર્મચારીઓએ જણાવ્યું છે કે તેમનો બાકીનું બાકી વેતન તેમને ચૂકવાશે પછી જ તેઓ કામ ઉપર આવશે.

કર્મચારીઓની વેતનની માંગણીને જ પગલે કિંગફિશરના મેનેજમેન્ટને વારંવાર તેની સેવાઓ રદ કરવાની ફરજ પડી રહી છે. કિંગફિશરે હડતાલને કારણે ફ્લાઇટ રદ થયા બાદ 28 સપ્ટેમ્બરે 4 ઑક્ટોબર સુધી કામગીરી બંધ રાખવાની જાહેરાત કરી હતી. ત્યાર બાદ તેને 12 ઑક્ટોબર સુધી લંબાવવામાં આવી હતી. છેલ્લે કંપનીએ આ તારીખ 20 ઑક્ટોબર સુધી લંબાવી છે.

English summary

Kingfisher airlines will hold a meeting with the employees' representatives on Monday in Mumbai to resolve the deadlock over non-payment of salary dues.