Chandrayaan 3: લોન્ચના 10 દિવસ બાદ ક્યાં પહોંચ્યુ ચંદ્રયાન-3, જાણો
ઇસરો દ્વારા 14 જુલાઈના રોજ મિશન મૂન હેઠળ ચંદ્રયાન-3 લોન્ચ કરવામાં આવ્યું હતું. લોન્ચના 10 દિવસ બાદ આ મિશન ક્યાં પહોંચ્યું છે તે અંગે સૌ કોઈને ઉત્સુકતા છે. 20 જુલાઈએ ચંદ્રયાન-3એ તેની ચોથી કક્ષા પૂર્ણ કરી છે. ISRO દ્વારા પુષ્ટિ કરવામાં આવી છે કે અવકાશયાન હવે પૃથ્વીથી 71351 કિલોમીટરનું અંતર કાપ્યું છે.
ચંદ્રયાન-3 14 જુલાઈના રોજ શ્રીહરિકોટાના સતીશ ધવન સ્પેસ સેન્ટરથી લોન્ચ કરવામાં આવ્યું હતું. આ મિશનનો મુખ્ય ઉદ્દેશ્ય ચંદ્ર પર સોફ્ટ લેન્ડિંગ સાથે ચંદ્રની સપાટી પર રોબોટિક રોવર ચલાવવાનો છે. આ મિશન ધીમી ગતિએ આગળ વધી રહ્યું છે, અત્યારે તે યોજના મુજબ આગળ વધી રહ્યું છે.
આ મિશન હેઠળ ચંદ્રયાન-3 પ્રથમ 15 જુલાઈના રોજ ભ્રમણકક્ષામાં પહોંચ્યું હતું. આ પછી, તે 16 જુલાઈએ બીજી ભ્રમણકક્ષા, 18 જુલાઈના રોજ ત્રીજી ભ્રમણકક્ષા અને 20 જુલાઈએ ચોથી ભ્રમણકક્ષામાં પહોંચ્યું હતું. દરેક હિલચાલ સાથે, આ ચંદ્રયાન ધીમે ધીમે તેના લક્ષ્ય તરફ આગળ વધી રહ્યું છે.
ઉલ્લેખનિય છેકે સમગ્ર વિશ્વની નજર આ મિશન પર ટકેલી છે. ચંદ્રયાન-3 23 ઓગસ્ટે ચંદ્ર પર ઉતરશે. 25 જુલાઈએ આ મિશન પાંચમી ભ્રમણકક્ષામાં પહોંચશે. આ પછી તે પૃથ્વીની આસપાસ ફરશે અને પછી ચંદ્રની સપાટી પર ઉતરશે. આવી સ્થિતિમાં અહીં પહોંચતા પહેલા ઈસરોની સામે અનેક પડકારો છે.
જ્યારે ચંદ્રયાન-3ની સામે પહેલો પડકાર પૃથ્વીની ભ્રમણકક્ષા છોડીને ચંદ્ર સુધી પહોંચવાનો છે. અત્યારે ચંદ્રયાન-3ને કોઈ પણ પ્રકારની સમસ્યાનો સામનો કરવો પડી રહ્યો નથી. 30 જુલાઈએ તે ચંદ્રની ભ્રમણકક્ષામાં પ્રવેશ કરશે. આ પછી ચંદ્ર પર ઉતરશે.
જો ISRO આ મિશનને સફળતાપૂર્વક પૂર્ણ કરે છે, તો ભારત આમ કરનાર ચોથો દેશ બની જશે. ભારત પહેલા અમેરિકા, સોવિયત સંઘ અને ચીન આ સિદ્ધિ મેળવી ચૂક્યા છે. હાલમાં, ISRO ચંદ્રયાનના તમામ તબક્કાઓ સફળતાપૂર્વક પૂર્ણ કરવા પર નજર રાખી રહ્યું છે.
Click it and Unblock the Notifications
Sign in with Google
