પ્રધાનમંત્રી નરેન્દ્ર મોદીએ કરી અપીલ, પહેલા મતદાન પછી જલપાન!
પ્રધાનમંત્રી નરેન્દ્ર મોદીએ દેશભરના લોકોને પોતાના મતાધિકારનો ઉપયોગ કરવાની અપીલ કરી છે.
આજે દેશભરમાં લોકસભા ચૂંટણીના પહેલા તબક્કા માટે મતદાન થવા જઈ રહ્યુ છે. આ દરમિયાન પ્રધાનમંત્રી નરેન્દ્ર મોદીએ દેશભરના લોકોને પોતાના મતાધિકારનો ઉપયોગ કરવાની અપીલ કરી છે. પીએમે અપીલ કરી છે કે તમે બધા લોકો પોતાના મતાધિકારનો ઉપયોગ જરૂર કરો. પીએમ મોદીએ ટ્વીટ કરીને લખ્યુ કે લોકસભા ચૂંટણી માટે આજે પહેલા તબક્કાનું મતદાન છે. બધા મતદારોને મારી વિનંતી છે કે લોકતંત્રના આ મહોત્સવમાં જરૂર ભાગ લો. વધુમાં વધુ સંખ્યામાં મતદાન કરો. પહેલા મતદાન પછી જલપાન!
તમને જણાવી દઈએ કે આજે દેશના 20 રાજ્યોની 91 લોકસભા સીટો પર મતદાન થઈ રહ્યુ છે. આ 91 લોકસભા સીટોમાં 8 સીટો ઉત્તર પ્રદેશ, 4 સીટો બિહાર અને 7 સીટો મહારાષ્ટ્રની પણ શામેલ છે. પહેલા તબક્કાના મતદાનમાં સૌથી વધુ આંધ્રપ્રદેશની 25 અને તેલંગાનાની 17 સીટો છે. આ ઉપરાંત ઉત્તરાખંડની 5, છત્તીસગઢની 1, પશ્ચિમ બંગાળની 2, અરુણાચલની 2, અસમની 5, જમ્મુ કાશ્મીરની 2, મણિપુરની 1, મેઘાલયની 2, મિઝોરમની 1, નાગાલેન્ડની 1, ઓડિશાની 4, સિક્કિમની 1, ત્રિપુરાની 1, અંદમાનની 1 અને લક્ષદ્વીપની 1 લોકસભા સીટ પર મત આપવા જઈ રહ્યા છે.
ઉલ્લેખનીય છે કે પહેલા તબક્કાના મતદાન માટે સુરક્ષાની પૂરતી વ્યવસ્થા કરવામાં આવી છે. દરેર પોલિંગ બુથ પર મોટી સંખ્યામાં સુરક્ષા બળોને તૈનાત કરવામાં આવ્યા છે. તમને જણાવી દઈએ કે આ વખતે લોકસભા ચૂંટણી કુલ સાત તબક્કામાં થશે. ચૂંટણીનો બીજો તબક્કો 18 એપ્રિલ, ત્રીજો તબક્કો 23 એપ્રિલ, ચોથો તબક્કો 29 એપ્રિલ, પાંચમો તબક્કો 6 મે, છઠ્ઠો તબક્કો 12મે અને સાતમો તબક્કો 19 મેના રોજ પૂર્ણ થશે. ચૂંટણીના પરિણામો 23 મેના રોજ ઘોષિત કરવામાં આવશે.
लोकसभा चुनावों के लिए आज पहले चरण का मतदान है।
— Chowkidar Narendra Modi (@narendramodi) 11 April 2019
सभी मतदाताओं से मेरी विनती है कि लोकतंत्र के इस महोत्सव में जरूर हिस्सा लें।
अधिक-से-अधिक संख्या में मतदान करें। पहले मतदान, फिर जलपान!
આ પણ વાંચોઃ મેરઠ, સહારનપુર અને બિઝનૌરમાં કેટલીય જગ્યાએ EVM ખોટકાયાં