Lok Sabha Elections 2024: પશ્ચિમ બંગાળના કૂચ બિહારમાં મતદાન દરમિયાન થયો પત્થરમારો, ભાજપના બૂથ અધ્યક્ષ ઘાયલ
West Bengal Lok Sabha Elections 2024: લોકસભા ચૂંટણી 2024ના પ્રથમ તબક્કા માટે આજે 19 એપ્રિલે મતદાન થઈ રહ્યું છે. ચૂંટણીના પ્રથમ તબક્કા દરમિયાન પશ્ચિમ બંગાળના કૂચ બિહાર ક્ષેત્રના લોકો દ્વારા પથ્થરમારો કરવામાં આવ્યો હોવાના અહેવાલો છે. આ ઘટનાનો જે વીડિયો સામે આવ્યો છે તેમાં લોકો બૂમો પાડતા અને પથ્થરમારો કરતા જોવા મળે છે.
મીડિયા રિપોર્ટ્સ અનુસાર, ભાજપે આરોપ લગાવ્યો છે કે TAIM કાર્યકર્તાઓએ પશ્ચિમ બંગાળના ચાંદમારી, કૂચ બિહારમાં મતદારોને રોકવા માટે પથ્થરમારો કર્યો હતો. જેમાં ભાજપના બૂથ પ્રમુખ ઘાયલ થયા હતા.
કૂચબિહારમાં પોલિંગ બૂથની બહાર પથ્થરમારો કરતા લોકોનો જે વીડિયો સામે આવ્યો છે, તેમાં લોકો બૂમો પાડતા પણ જોવા મળે છે. નોંધનીય છે કે 19 એપ્રિલે પ્રથમ તબક્કામાં 102 બેઠકો પર મતદાન થઈ રહ્યું છે. મતદાનને ધ્યાનમાં રાખીને તમામ બૂથ પર વિશેષ સુરક્ષા વ્યવસ્થા કરવામાં આવી છે.
ખાસ કરીને પશ્ચિમ બંગાળમાં હિંસાની ઘટનાઓને રોકવા માટે કડક સુરક્ષા વ્યવસ્થા કરવામાં આવી છે. દરેક ખૂણે-ખૂણે પોલીસ અને સેનાની ઘણી ટુકડીઓ તૈનાત કરવામાં આવી છે. આટલી કડક સુરક્ષા વ્યવસ્થા વચ્ચે કૂચ બિહારમાં એક મતદાન મથક પાસે પથ્થરમારાની ઘટના બની હતી. ભાજપના આરોપ મુજબ પથ્થરમારો કરનારા ટીએમસીના કાર્યકરો હતા.
Click it and Unblock the Notifications
Sign in with Google
