કોંગ્રેસનો મોંઘવારી બોમ્બઃ LPG સિલિન્ડર 4 રૂ. મોંઘો

નવી દિલ્હી, 10 ડિસેમ્બરઃ ચાર રાજ્યોની વિધાનસભા ચૂંટણીમાં કારમો પરાજય મળ્યા બાદ કોંગ્રેસે જ્યારે સમીક્ષા કરી તો એ સામે આવ્યું કે મોંઘવારીના કારણે તેમનો પરાજય થયો છે. લોકોને આશા હતી કે સમીક્ષા બાદ કોંગ્રેસ મોંઘવારીને કાબૂમાં લેશે પરંતુ તેવું થયું નથી. ચૂંટણી પરિણામના બે દિવસ બાદ કોંગ્રેસ શાસિત યુપીએ સરકારે આમ જનતાના માથે મોંઘવારીનો બોમ્બ ફોડ્યો છે અને જોરદાર ઝાટકો આપતા સબસિડીવાળા સિલિન્ડરની કિંમતમાં વધારો કર્યો છે.

ડીલર્સના કમિશનમાં વધારો થતા હવે એલપીજી સિલિન્ડર 3.50 રૂપિયા મોંઘો મળશે. મુશ્કેલીની વાત એ છે આ નવી કિંમત આજ રાતથી જ લાગુ પડી જશે. આ વાત ભલે સામાન્ય હોય પરંતુ મોંઘવારીના ભાર નીચે દબાયેલી આમ જનતા માટે તો આ દાઝ્યા પર ડામ જેવી વાત છે.

તમને જણાવી દઇએ કે, તાજેતરમાં જ સરકારે ડીઝલના ભાવમાં વધારો કર્યો હતો. ઓઇલ કંપનીઓએ 30 નવેમ્બરે ડીઝલના ભાવમાં 50 પૈસા પ્રતિ લીટર વધારો કર્યો હતો. ડીઝલના ભાવ જાન્યુઆરી બાદ 11મી વખત વધ્યા છે.

English summary

Domestic cooking gas or LPG price was today hiked by Rs 3.46 per cylinder after the government raised the commission paid to dealers by over 9 per cent, PTI reported.