Mizoram Election Result 2023: મિઝોરમમાં સત્તા પરિવર્તન! વલણોમાં ZPMને બહુમત

Published: Monday, December 4, 2023, 11:32 [IST]

Mizoram Election Result 2023: મિઝોરમ વિધાનસભા ચૂંટણી 2023ની મતગણતરી સોમવારે ચાલુ છે, કડક સુરક્ષા વચ્ચે મતદાન કેન્દ્રોમાં આજે સવારે 8 વાગ્યાથી મતગણતરી થઈ રહી છે. પ્રારંભિક વલણો અહીં પણ સત્તામાં ફેરફાર દર્શાવે છે કારણ કે વલણો દર્શાવે છે કે જોરમ પીપલ્સ મૂવમેન્ટ એટલે કે ZPM બહુમતી મેળવી રહ્યુ છે.

ZPM પાર્ટી 22 સીટો પર આગળ ચાલી રહી છે અને એક સીટ પણ જીતી છે. તમને જણાવી દઈએ કે 40 વિધાનસભા બેઠકો ધરાવતા મિઝોરમમાં સરકાર બનાવવાનો મેજિક આંકડો 21 છે.

સત્તારૂઢ મિઝો નેશનલ ફ્રન્ટ(MNF) 9 બેઠકો પર આગળ છે, જ્યારે કોંગ્રેસ ત્રીજા સ્થાને છે. તમને જણાવી દઈએ કે મિઝોરમ વિધાનસભા ચૂંટણીના પરિણામો પહેલા 3જી ડિસેમ્બરે આવવાના હતા પરંતુ બાદમાં લોકોની માંગ પર ચૂંટણી પંચે મત ગણતરીની તારીખ બદલીને 4 ડિસેમ્બર કરી દીધી હતી કારણ કે રવિવારનો દિવસ ખ્રિસ્તી સમુદાય માટે ખાસ હોય છે.

નોંધનીય છે કે હાલમાં MNF મિઝોરમમાં શાસન કરી રહ્યું છે અને જોરામથાંગા મુખ્યમંત્રી પદ સંભાળી રહ્યા છે. જો આજે મિઝોરમમાં MNF હારશે તો પાંચ રાજ્યોની વિધાનસભા ચૂંટણીમાં તમામ પાંચ જગ્યાએ સત્તા પરિવર્તન થશે. તમને જણાવી દઈએ કે વર્ષ 2018ના પરિણામોના આધારે સત્તા પરિવર્તનની વાત થઈ રહી છે.

વર્ષ 2018માં એમપીમાં કોઈને બહુમતી મળી નહોતી. ત્યાં પહેલા કોંગ્રેસે ગઠબંધન કરીને સરકાર બનાવી અને પછી ભાજપે 15 મહિના પછી સરકાર બનાવી.

તમને જણાવી દઈએ કે રવિવારે જાહેર થયેલા ચૂંટણી પરિણામોમાં ભાજપને રાજસ્થાન, છત્તીસગઢ અને મધ્યપ્રદેશમાં બમ્પર સીટો મળી છે, તેલંગાણામાંથી કેસીઆરની વિદાય થઈ ગઈ છે અને કોંગ્રેસ અહીં શાસન કરવા આવી છે.