મોદી ગુજરાતનું 'રમખાણ મોડેલ' MPમાં પણ લાગુ કરવા માગે છે: રાજ બબ્બર

દેવાસ, 23 નવેમ્બર: કોંગ્રેસ સાંસદ રાજ બબ્બરે ભારતીય જનતા પાર્ટીના વડાપ્રધાન પદના ઉમેદવાર નરેન્દ્ર મોદી પર નિશાનો સાધતા ગઇકાલે જણાવ્યું કે ગુજરાતમાં તેમના શાસનમાં રમખાણો થયા, માટે તેમને મધ્ય પ્રદેશમાં આવીને વિકાસની વાત કરવાનો કોઇ હક નથી.

ફિલ્મ અભિનેતા બબ્બરે મધ્ય પ્રદેશ વિધાનસભા ચૂંટણીમાં દેવાસમાં પાર્ટી ઉમેદવાર રેખા વર્માના સમર્થનમાં ચૂંટણી સભાને સંબોધિત કરી હતી. તેમણે જણાવ્યું કે મોદી ગુજરાતનું 'રમખાણ મોડેલ' મધ્ય પ્રદેશમાં પણ લાગુ કરવા માગે છે. તેમણે પોતાના ભાષણમાં મુખ્યમંત્રી શિવરાજ સિંહ ચૌહાણ પર પણ નિશાનો સાધ્યો.

તેમણે ભાજપાની નીતિઓની ટીકા કરતા જણાવ્યું કે આ પક્ષે હંમેશાથી દેશ અને સમાજને વહેચવાનું કામ કર્યું છે. તેમણે કોંગ્રેસ ઉમેદવારને વિજય બનાવવાનો અનુરોધ કરતા જણાવ્યું કે લોકો જે રીતે પોતાના ભગવાનની આરાધના કરે છે, તેવી જ રીતે પ્રજાતંત્રમાં ચૂંટણી પણ આરાધના સમાન છે.

English summary

Narendra Modi wants to apply gujarat's riot model in Madhya Pradesh said Raj babbar.