મુલાયમ સિંહે સાયનાને SPમાં જોડાવવા માટે આપ્યુ આમંત્રણ

By Kumar Dushyant

Updated: Sunday, November 4, 2012, 15:53 [IST]

અલીગઢ, 4 નવેમ્બર: સમાજવાદી પાર્ટી (સપા) અધ્યક્ષ મુલાયમ સિંહ યાદવે બેડમિન્ટન સ્ટાર સાઇના નેહવાલને પોતાની પાર્ટીમાં જોડાવવા માટે રજૂઆત કરી છે. તેમને કહ્યું હતું કે સાઇના નેહવાલ દેશના યુવાના દિમાગમાં એક આદર્શ છબિ ધરાવે છે. સમાજવાદી પાર્ટી સાઇના નેહવાલને રાજકારણમાં ઝંપલાવવા માટે મંચ પુરું પાડવા તૈયાર છે.

શનિવારે મગલાયતન યુનિવર્સિટીના ચોથા પદવીદાન સમારંભમાં ડૉક્ટરની ઉપાધિ મેળવા પહોંચેલી સાઇના નેહવાલને ટાંકતા મુલાયમ સિંહ યાદવે કહ્યું હતું કે રમત ગમતના ખેલાડીઓ પોતાનો જાદૂ પાથરી શકે છે તેમની વિશેષતા એ છે કે તે સક્રિય રાજકારણ સહિત વિભિન્ન ક્ષેત્રોમાં સફળતા મેળવવામાં મદદ કરી શકે છે. મુલાયમ સિંહ યાદવે આ અવસરે પોતાના ભૂતકાળના દિવસોને યાદ કર્યા હતા તે એક પહેલવાન તરીકે જાણીતા હતા. મુલાયમ સિંહ યાદવે કહ્યું હતું કે તે ખેલ ભાવનાને સારી રીતે સમજે છે.

આ અવસર પર સાઇના નહેવાલ સિવાય લંડન ઓલંમ્પિકમાં મેડલ જીતનાર પહેલવાન સુશીલ કુમાર, યોગેશ્વર દત્ત, વિજય કુમાર અને ગગન નારંગ અને મેરી કોમને પણ ડૉક્ટરની પદવી આપવામાં આવી હતી.