મુસ્લિમ બિરાદરોએ બંદગી અને દાન કરી બકરી ઇદ ઉજવી

નવી દિલ્હી, 27 ઑક્ટોબર : કુર્બાની માટેનો તહેવાર બકરી ઇદ અથવા ઇદ - ઉલ - જુહાને ભારતમાં શનિવારે સમગ્ર દેશમાં ધાર્મિક આસ્થા અને ખુશી સાથે ઉજવવામાં આવ્યો છે. આ પ્રસંગે બધી જ મસ્જિદોમાં નમાજ પઢવા માટે મોટી સંખ્યામાં એકત્ર થયા હતા. નમાઝ પઢ્યા બાદ બકરાની કુરબાની આપી તેનો પ્રસાદ વહેંચવામાં આવ્યો હતો.

સમગ્ર દેશમાં ચાલી રહેલી ઉજવણીમાં મુસ્લિમ બિરાદરોએ એક બીજાને મળીને શુભેચ્છાઓ પાઠવી હતી. આ પ્રસંગે રાષ્ટ્રપતિ પ્રણવ મુખર્જી, વડાપ્રધાન મનમોહન સિંહે પણ શુભેચ્છાઓ પાઠવી છે.

ઇદ - ઉલ - જુહા હઝરત ઇબ્રાહિમ દ્વારા અલ્લાહના હુકમથી પોતાના દીકરાની કુર્બાની આપી હતી. તેની યાદમાં આ તહેવાર મનાવવામાં આવે છે. અલ્લાહ હઝરત ઇબ્રાહિમની પરીક્ષા લેવા માટે આમ કર્યું હતું.

English summary

Muslims celebrated Bakrid Today with prayers and acts of charity, recalling the unflinching faith and dedication shown by Prophet Ibrahim to the Almighty.