પીએમ મોદી પર સિદ્ધુએ ફરીથી આપ્યુ વિવાદિત નિવેદન, જાણો શું કહ્યુ?
નેતાઓની નિવદેનબાજીનો દોર ચાલુ છે. આ કડીમાં કોંગ્રેસના વરિષ્ઠ નેતા નવજોત સિંહ સિદ્ધુએ ફરીથી એક નિવેદન આપી દીધુ છે.
લોકસભા ચૂંટણી માટે બે તબક્કાનું મતદાન પૂર્ણ થઈ ચૂક્યુ છે. વળી, નેતાઓની નિવદેનબાજીનો દોર પણ ચાલુ છે. આ કડીમાં કોંગ્રેસના વરિષ્ઠ નેતા નવજોત સિંહ સિદ્ધુએ ફરીથી એક નિવેદન આપી દીધુ છે. સિદ્ધુએ કહ્યુ કે 'મોદીની ફિલ્મ આવી રહી છે ફેંકુ નંબર વન, જૂઠ્ઠો નંબર વન'. તે આટલેથી ન રોકાયા તેમણે કહ્યુ કે મચ્છરને કપડા પહેરાવવા, હાથીને ખોળામાં ઝૂલાવવા અને મોદી પાસે સત્ય બોલાવવુ અસંભવ છે.
આખા દેશમાં હાહાકાર કાહે તુ ચોકીદાર
નવજોત સિંહ સિદ્ધુએ મુરાદાબાદમાં લોકસભા ચૂંટણી પ્રચાર દરમિયાન મોદી પર હુમલો કરીને કહ્યુ કે - મોદી પર એક ફિલ્મ આવી રહી છે ‘ફેંકુ નંબર વન, જુઠ્ઠો નંબર વન'. તેમણે કહ્યુ કે મચ્છરને કપડા પહેરાવવા, હાથીને ખોળામાં ઝૂલાવવો અને મોદી પાસે સત્ય બોલાવવુ અસંભવ છે. આ ઉપરાંત સિદ્ધુએ કહ્યુ કે - ‘કાહે તુ ચોકીદાર હે પૂરે દેશમે હાહાકાર હે.'
વાત કરોડોની, દુકાન પકોડાની, સંગત ભગોડાની'
સિદ્ધુ આટલેથી ના રોકાયા તેમણે મોદી પર કટાક્ષ કરતા કહ્યુ - ‘વાત કરોડોની, દુકાન પકોડાની, સંગત ભગોડાની'. બીજા એક વન લાઈનરથી પીએમ પર હુમલો કરતા સિદ્ધુએ કહ્યુ - ‘પૂરે બ્રહ્માંડમે શોર હે ચોકીદાર ચોર હે'. આ પ્રચાર અભિયાન દરમિયાન કોંગ્રેસ અધ્યક્ષ રાહુલ ગાંધીએ ફોન દ્વારા જનતાને સંબોધિત કરી.
મોદી, યોગી અને ભાજપને બાઉન્ડ્રીથી બહાર કરો
આ સાથે સિદ્ધુએ કહ્યુ - એવો છક્કો મારો કે મોદી, યોગી અને ભાજપને બાઉન્ડ્રીમાંથી બહાર કરો. સિદ્ધુએ ત્યાં આવેલા લોકોને પૂછ્યુ - શું ગંગાની સફાઈ કરવામાં આવી, શું 15 લાખ આવી ગયા છે, જ્યારે નીરવ મોદી ભાગ્યો તો ખુરશી પર કયો ચોકીદાર બેઠો હતો. સતત વન લાઈનર હુમલા કરી રહેલા સિદ્ધુએ કહ્યુ - રોજગાર ખતમ, વેપાર ખતમ, અબકી બાર મોદી બસ કર યાર.
આ પણ વાંચોઃ રાહુલ ગાંધીએ 'સુપ્રીમે માન્યુ ચોકીદાર ચોર છે' વાળા નિવેદન પર વ્યક્ત કર્યો અફસોસ