હવે નેપાળની સેનાએ બોર્ડર નજીક ટેંટ લગાવ્યા, તેજીથી હેલીપેડ તૈયાર કરી રહ્યું છે

નવી દિલ્હીઃ ભારતના પાડોસી દેશ તરફથી કેટલાય પ્રકારની સમસ્યાઓ ચાલી રહી છે. લાઇન ઑફ કંટ્રોલ પર ચીનની સાથે ટકરાવ ચાલી રહ્યો છે અને આ વચ્ચે નેપાળે પણ ચાલ ચાલવી શરૂ કરી દીધી છે. ન્યૂજ ચેનલ ઇન્ડિયા ટુડેના રિપોર્ટ મુજબ નેપાળી સેનાએ ભારત-નેપાળ બોર્ડર નજીક એક હેલીપેડનું નિર્માણ કરવું શરૂ કરી દીધું છે. આની સાથે જ બો્ર્ડર પર ટેંટની મદદથી કેટલાક કેમ્પ્સ પણ લગાવી લીધા છે.

અસ્થાયી કેમ્પ્સમાં કેટલાય સૈનિકો હાજર

ચેનલે સૂત્રોના હવાલેથી લખ્યું કે કેમ્પ પહેલી નજરમાં અસ્થાયી જણાય છે પરંતુ આસાનીથી જોઇ શકાય છે કે અહીં ડઝનેક નેપાળી સૈનિકો હાજર છે. આવું પહેલીવાર બન્યું જ્યારે નેપાળે આવા પ્રકારની કોઇ ગતિવિધિ શરૂ કરી હોય. ચીને લદ્દાખ અને સિક્કિમના કેટલાક ભાગો પર પોતાનો દાવો નોધાવ્યો તેના પ્રભાવમાં આવી ચૂકેલા નેપાળે પણ લિપુલેખ નજીક આવેલ વિસ્તારોમાં પોતાનો દાવો માંડ્યો છે જે કાલી નદીની નજીક છે. ચેનલ તરફથી કેટલીક તસવીરો સ્પષ્ટ દેખાડવમાં આવી છે જેમાં સ્પષ્ટ જોઇ શકાય છે કે નેપાળી આર્મીના કેટલાક ટેંટ ત્યાં હાજર છે. નેપાળની સંસદના ઉપરી સદનમાં આ નક્શાને મંજૂરી મળી ગઇ છે. જેમાં લિપુલેખ, કાલાપાની અને લિમ્પિયાધુરાને નેપાળની સીમામાં દેખાડવામાં આવ્યાં છે.

બોર્ડરથી પિલર ગાયબ થયા

ભારત અને નેપાળ વચ્ચે સીમા વિવાદ વધતો જ જઇ રહ્યો છે. પાછલા દિવસોમાં જે જાણકારી સામે આવી રહી છે તેમાં ઉત્તર પ્રદેશ નજીક આવેલ નેપાળની સીમા પર બોર્ડર પિલર ગાયબ છે. બોર્ડર પિલર જણાવે છે કે કઇ દેશની સીમા ક્યાં પૂરી થઇ રહી છે અને ક્યાંથી બીજા દેશની સીમા શરૂ થઇ રહી છે. ભારતે પિલર ગાયબ થયા બાદ નેપાળની સીમા પર પેટ્રોલિંગ વધારવાનો ફેસલો લીધો છે. પાછલા દિવસોમાં બિહારના સીતામઢીમાં નેપાળ બોર્ડર પર ફાયરિંગ થયું હતું. આ ઘટનાના કારણે પહેલેથી જ માહોલ તણાવપૂર્ણ છે અને સંબંધ વધુ બગડવા લાગ્યા છે.

English summary

now nepal started building helipad and camp near border