Click it and Unblock the Notifications
Just In
-
-
-
-
Don't Miss
-
Smartphone ખરીદો અને મેળવો Smartwatch ફ્રી, કિંમત પણ છે સાવ ઓછી -
#BlueWarrior બનો! ભારતના કોવિડ વૉરિયર્સની મદદ માટે જોશ એપના અભિયાનમાં ભાગ લો
ગાઝીપુર બોર્ડર ખાલી કરવાના સમાચારને કિસાન યુનિયને અફવા ગણાવી!
છેલ્લા 10 મહિનાથી ખેડૂતો કૃષિ કાયદા વિરુદ્ધ ગાઝીપુર બોર્ડર સહિત દિલ્હીની સરહદો પર ધરણા કરી રહ્યા છે. આ દરમિયાન ગુરુવારે, મીડિયામાં એવા અહેવાલો આવ્યા કે ખેડૂતોએ ગાઝીપુર બોર્ડર ખાલી કરવાનું શરૂ કરી દીધું છે.
નવી દિલ્હી, 21 ઓક્ટોબર : છેલ્લા 10 મહિનાથી ખેડૂતો કૃષિ કાયદા વિરુદ્ધ ગાઝીપુર બોર્ડર સહિત દિલ્હીની સરહદો પર ધરણા કરી રહ્યા છે. આ દરમિયાન ગુરુવારે, મીડિયામાં એવા અહેવાલો આવ્યા કે ખેડૂતોએ ગાઝીપુર બોર્ડર ખાલી કરવાનું શરૂ કરી દીધું છે. હવે આ મામલે ભારતીય કિસાન યુનિયનનું નિવેદન સામે આવ્યું છે. કિસાન યુનિયને ટ્વિટ કરીને લખ્યું છે કે, આ સંપૂર્ણપણે પાયાવિહોણા છે, અમે બતાવી રહ્યા છીએ કે રસ્તો દિલ્હી પોલીસે બંધ કર્યો છે ખેડૂતોએ નહીં.
ભારતીય કિસાન યુનિયને ટ્વીટ કર્યું કે, ખેડૂતો ભાઈઓ, અફવા ફેલાવવામાં આવી રહી છે કે ગાઝીપુર બોર્ડર ખાલી કરવામાં આવી રહી છે. આ સંપૂર્ણપણે પાયાવિહોણી વાત છે, અમે કહી રહ્યાં છીએ કે માર્ગ ખેડૂતો દ્વારા નહીં પણ દિલ્હી પોલીસે બંધ કર્યો છે. આ સાથે કિસાન યુનિયને આ ટ્વિટમાં ઘણી ન્યૂઝ વેબસાઇટ્સ અને ચેનલોને ટેગ કર્યા છે.
સુપ્રીમ કોર્ટના કડક વલણ બાદ દિલ્હી મેરઠ એક્સપ્રેસ વે પર મહિનાઓથી બેઠેલા ખેડૂતોએ સર્વિસ રોડ પરથી બનાવેલા તેમના તંબુ હટાવી દીધા છે. કોર્ટના આદેશ બાદ દિલ્હી પોલીસ તેને દૂર કરવા આવી હતી. ખેડૂત નેતા રાકેશ ટિકૈતે ખુદ દિલ્હી-ગાઝીપુર મુર્ગા મંડી તરફ નેશનલ હાઈવે 24 ની સર્વિસ લેન ખોલાવી હતી. પહેલા ખેડૂતોએ આ રસ્તો બંધ કર્યો હતો. જનતાની સુવિધા માટે સર્વિસ લેન ખોલવાનો નિર્ણય લેવામાં આવ્યો છે.
ખેડૂતોના વિરોધને કારણે હાઇવે બંધ કરાવવા સામે દાખલ કરવામાં આવેલી અરજી પર આજે સુપ્રીમ કોર્ટમાં સુનાવણી થઇ હતી. જસ્ટિસ સંજય કિશન કૌલ અને જસ્ટિસ એમએમ સુંદરેશની ખંડપીઠે આ મામલે સુનાવણી કરી હતી. આ દરમિયાન કોર્ટને ખેડૂતો વતી વિનંતી કરવામાં આવી હતી કે આ મામલાની સુનાવણી બે સપ્તાહ બાદ થવી જોઈએ. વરિષ્ઠ વકીલ દુષ્યંત દવે ખેડૂતોનું પ્રતિનિધિત્વ કરી રહ્યા હતા, જ્યારે સોલિસિટર જનરલ તુષાર મહેતા સરકારનું પ્રતિનિધિત્વ કરી રહ્યા છે.
