પી ચિદમ્બરમની ડાબી પાંસળીમાં આવ્યુ ફ્રેક્ચર, કોંગ્રેસે કહ્યુ - વિરોધ દરમિયન પોલિસે કરી ધક્કામુક્કી

રાહુલ ગાંધીના સમર્થનમાં સોમવારે રાજધાની દિલ્લીમાં થયેલ કોંગ્રેસ પાર્ટીના પ્રદર્શનમાં પૂર્વ કેન્દ્રીય મંત્રી પી ચિદમ્બરમને ઈજા થઈ છે.

નવી દિલ્લીઃ રાહુલ ગાંધીના સમર્થનમાં સોમવારે રાજધાની દિલ્લીમાં થયેલ કોંગ્રેસ પાર્ટીના પ્રદર્શનમાં પૂર્વ કેન્દ્રીય મંત્રી પી ચિદમ્બરમને ઈજા થઈ છે. માહિતી મુજબ પી ચિદમ્બરમની ડાબી પાંસળીમાં ફ્રેક્ચર થયુ છે. કોંગ્રેસ પાર્ટીએ આરોપ લગાવ્યો છે કે વિરોધ દરમિયાન દિલ્લી પોલિસે તેમની સાથે ધક્કામુક્કી કરી હતી જેના કારણે તેમને ઈજા થઈ હતી. કોંગ્રેસ તરફથી કહેવામાં આવ્યુ છે કે ચિદમ્બરમ ઉપરાંત પાર્ટીના ઘણા નેતાઓ અને કાર્યકર્તાઓને ઈજાઓ થઈ છે.

10 દિવસમાં રિકવર થશે પી. ચિદમ્બરમ

આ વિશે પી ચિદમ્બરમે ટ્વીટ કર્યુ છે કે વિરોધ પૂરો થયા બાદ તેમણે ડૉક્ટરને બતાવ્યુ અને ડૉક્ટરે કહ્યુ કે જો હેર લાઈન ફ્રેક્ચર છે તો તમે લગભગ 10 દિવસમાં રીકવર થઈ જશો. હું અત્યારે ઠીક છુ અને આવતી કાલે પોતાના કામ પર જઈશ.

સૂરજેવાલાએ ઘણા નેતાઓ પર હુમલો થયાનો લગાવ્યો આરોપ

કોંગ્રેસ પાર્ટી વતી રણદીપ સુરજેવાલાએ કેન્દ્ર સરકાર પર આકરા પ્રહારો કર્યા છે. તેમણે એક વીડિયો જાહેર કરીને કહ્યુ છે કે આજે દિવસભર કોંગ્રેસના મોટા નેતાઓ અને કાર્યકરો પર ઘાતક હુમલા થયા છે. સુરજેવાલાએ કહ્યુ કે પાર્ટીના મહાસચિવ કેસી વેણુગોપાલ, સાંસદ શક્તિ સિંહ અને અન્ય કાર્યકર્તાઓ પર હુમલો કરવામાં આવ્યો. સુરજેવાલાએ મોદી સરકાર પર નિશાન સાધતા કહ્યુ કે આજે દિલ્હી પોલીસે બર્બરતાની તમામ હદો વટાવી દીધી છે. પી.ચિદમ્બરમ સાથે પોલીસે ઝપાઝપી કરી આ દરમિયાન તેમના ચશ્મા નીચે પડી ગયા હતા. આ ઝપાઝપી દરમિયાન તેમની પાંસળીમાં ફ્રેક્ચર થઈ ગયુ. એટલું જ નહિ સાંસદ પ્રમોદી તિવારી સાથે ઝપાઝપી પણ થઈ છે.

કોંગ્રેસ માટે વિરોધનો દિવસ રહ્યો

તમને જણાવી દઈએ કે સોમવારનો આખો દિવસ કોંગ્રેસ પાર્ટી માટે વિરોધનો દિવસ હતો. વાસ્તવમાં, રાહુલ ગાંધી ED સમક્ષ હાજર થવાના હતા. રાહુલ ગાંધીની સાથે કોંગ્રેસના ઘણા મોટા નેતાઓએ પાર્ટી હેડક્વાર્ટરથી ED ઓફિસ સુધી રેલી કાઢી હતી. કોંગ્રેસ પાર્ટીએ આ કૂચને સત્યાગ્રહ નામ આપ્યુ છે. તમને જણાવી દઈએ કે સોમવારે રાહુલ ગાંધીની લગભગ 8 કલાક સુધી પૂછપરછ કરવામાં આવી હતી.

English summary

P Chidambaram fracture in his left rib congress claim delhi police pushed