Delhi Assembly Elections 2020: PM મોદીએ દિલ્લીના યુવાનોને કરી ખાસ અપીલ

શનિવાર સવારે આઠ વાગ્યાથી દિલ્લી વિધાનસભા ચૂંટણી માટે મતદાન શરૂ થઈ ગયુ છે. મતદાન પહેલા પીએમ નરેન્દ્ર મોદીએ ટ્વિટ કરીને બધા મતદારોને અપીલ કરી.

Published: Saturday, February 8, 2020, 9:44 [IST]

શનિવાર સવારે આઠ વાગ્યાથી દિલ્લી વિધાનસભા ચૂંટણી માટે મતદાન શરૂ થઈ ગયુ છે. મતદાન પહેલા પીએમ નરેન્દ્ર મોદીએ ટ્વિટ કરીને કહ્યુ કે બધા મતદારોને મારી અપીલ છે કે તે વધુમાં વધુ સંખ્યામાં લોકતંત્રના આ મહોત્સવમાં ભાગ લે અને મતદાનનો નવો રેકોર્ડ બનાવે, ખાસ કરીને યુવાનો આજે રેકોર્ડ તોડ મતદાન કરે.

તમને જણાવી દઈએ કે પીએમ મોદીની જેમ કેન્દ્રીય મંત્રી પીયુષ ગોયલે પોતાના ટ્વિટમાં લોકોને મત આપવાની અપીલ કરી છે અને તેમણે લખ્યુ છે કે દિલ્લીમાં આજે યોજાનાર ચૂંટણીમાં એક ઈમાનદાર, પારદર્શી, ભ્રષ્ટાચાર મુક્ત અને જનહિતને સમર્પિત સરકાર ચૂંટવા માટે મત આપો, મત આપવો તમારો અધિકાર છે. તમારો એક મત દેશના અર્થતંત્રને વધુ મજબૂત બનાવશે.

મતદાન માત્ર આપણો અધિકાર નથી, આપણી શક્તિ છે

વળી, ભાજપ સાંસદ ગૌતમ ગંભીરે પણ લોકોને મતદાન કરવાની અપીલ કરી છે. તેમણે પણ ટ્વિટ કર્યુ છે કે મતદાન માત્ર આપણો અધિકાર નથી પરંતુ આપણી શક્તિ છે. હું દરેક દિલ્લીવાસી અને ખાસ કરીને યુવાનોને તેમજ પહેલી વાર મત આપનાર મતદારોને અપીલ કરુ છુ કે તે પોતાના મતદાનના અધિકારનો ઉપયોગ કરે અને લોકતંત્રના સૌથી મોટા તહેવારમાં ભાગ લે.

સવારે 8 વાગ્યાથી સાંજે 6 વાગ્યા સુધી મતદાન

તમને જણાવી દઈએ કે આજે દિલ્લી વિધાનસભાની 70 સીટો પર સવારે 8 વાગ્યાથી સાંજે 6 વાગ્યા સુધી મતદાન થશે. મતદાનમાં 14786382 મતદારો કુલ 672 ઉમેદવારોના ભાગ્યનો ફેસલો કરશે. મતદાન માટે 13750 મતદાન કેન્દ્રો બનાવવામાં આવ્યા છે. દિલ્લી વિધાનસભા ચૂંટણીમાં ભાજપ અને કોંગ્રેસ સહિત 6 રાષ્ટ્રીય દળો ઉપરાંત આપ અને અન્ય રજિસ્ટર્ડ રાજ્યસત્રીય પાર્ટીઓના કુલ 672 ઉમેદવાર (593 પુરુષ અને 79 મહિલા) ચૂંટણી મેદાનમાં છે. આમાં 148 અપક્ષ ઉમેદવાર પણ શામેલ છે.

दिल्ली विधानसभा चुनाव के लिए आज मतदान का दिन है। सभी मतदाताओं से मेरी अपील है कि वे अधिक से अधिक संख्या में लोकतंत्र के इस महोत्सव में भाग लें और वोटिंग का नया रिकॉर्ड बनाएं।

Urging the people of Delhi, especially my young friends, to vote in record numbers.
— Narendra Modi (@narendramodi) February 8, 2020