PNB Scam: મેહુલ ચોક્સીના સાથી દીપક કુલકર્ણીની EDએ કરી ધરપકડ
પંજાબ નેશનલ બેંક સાથે હજારો કરોડની છેતરપિંડી કરનારા હીરા વેપારી મેહુલ ચોક્સીના સાથીને પકડવામાં ઈડીને મોટી સફળતા મળી છે.
પંજાબ નેશનલ બેંક સાથે હજારો કરોડની છેતરપિંડી કરનારા હીરા વેપારી મેહુલ ચોક્સીના સાથીને પકડવામાં ઈડીને મોટી સફળતા મળી છે. ઈડીએ મેહુલ ચોક્સીના સહયોગી દીપક કુલકર્ણીની કોલકત્તા એરપોર્ટ પર ધરપકડ કરી લીધી છે. કુલકર્ણી હોંગકોંગથી જ્યારે કોલકત્તા એરપોર્ટ પર પહોંચ્યો તો અહીં પહેલેથી જ ઈડીના અધિકારી હાજર હતા જેમણે કુલકર્ણીની અહીં ધરપકડ કરી લીધી છે. તમને જણાવી દઈએ કે દીપક કુલકર્ણી મેહુલ ચોક્સીની હોંગકોંગ સ્થિત નકલી કંપનીનો ડાયરેક્ટર હતો.
આ પણ વાંચોઃ કર્ણાટક પેટાચૂંટણીમાં કોંગ્રેસ-જેડીએસ ગઠબંધને દેખાડ્યો દમ, ભાજપને ઝટકો
ઈડી અને સીબીઆઈએ પહેલેથી જ દીપક કુલકર્ણીના વિરોધમાં લુકઆઉટ સર્ક્યુલર જાહેર કર્યુ હતુ ત્યારબાદ આજે કોલકત્તા એરપોર્ટ પહોંચતા જ ઈડીના અધિકારીઓએ કુલકર્ણીને પકડી લીધો. તમને જણાવી દઈએ કે 31 ઓક્ટોબરના રોજ મેહુલ ચોક્સીએ કહ્યુ હતુ કે તે બિમાર છે. આ કારણે તે 41 કલાક લાંબો પ્રવાસ કરીને ભારત આવી શકે તેમ નથી. ઈડીએ મેહુલ ચોક્સીને ભાગેડુ જાહેર કરી દીધો છે જેનો ચોક્સીના વકીલે કોર્ટમાં વિરોધ કર્યો છે. આ કેસની આગામી સુનાવણી 17 નવેમ્બરે થશે.
આ પણ વાંચોઃ સબરીમાલા મંદિર વિવાદ પર કેરળ ભાજપ અધ્યક્ષનો સનસનીખેજ ઓડિયો આવ્યો સામે
ઉલ્લેખનીય છે કે આ પહેલા ઈડીએ પંજાબ નેશનલ બેંકના 13 હજાર કરોડ રૂપિયાના ગોટાળાના આરોપી નીરવ મોદી સામે મોટી કાર્યવાહી કરીને તેની 637 કરોડ રૂપિયાની સંપત્તિ જપ્ત કરી લીધી હતી. તેની આ સંપત્તિ ભારત સહિત ચાર અન્ય દેશોમાં સ્થિત છે. જ્યારે 17 ઓક્ટોબરે ઈડીએ પીએનબી ગોટાળામાં આરોપી નીરવ મોદી, મેહુલ ચોક્સી, મિહિર ભણશાળી અને અન્ય આરોપીઓની 218.46 કરોડ રૂપિયાની સંપત્તિ જપ્ત કરી લીધી હતી.