Bihar Election Result 2025 : પ્રશાંત કિશોરના દાવા પોકળ સાબિત થયા, વોટ શેરમાં પણ ઝટકો
પ્રશાંત કિશોરના જનસુરાજ પક્ષને બિહારની ચૂંટણીમાં એક પણ બેઠક મળી નથી. તાજેતરની વિધાનસભા ચૂંટણીમાં તેમનું પ્રદર્શન ખૂબ જ નબળું રહ્યું છે. જે રાજકીય રણનીતિકાર તરીકે પ્રશાંત કિશોરની છબીને મોટો ધક્કો લાગ્યો છે.
અહેવાલો અનુસાર, જનસુરાજે ૧૨૮૦ દિવસની પદયાત્રા અને ₹૯૮ કરોડના અંગત દાન છતાં લોકોનો વિશ્વાસ જીતી શક્યા નથી. આ ચૂંટણી તેમના માટે એક કડવો અનુભવ સાબિત થઇ છે.
આ ચૂંટણી ફક્ત નેતાઓ અને પક્ષો વચ્ચેની સ્પર્ધા જ નહોતી, પરંતુ એક એવી વ્યક્તિની પરીક્ષા પણ હતી જેમણે વર્ષો સુધી દેશની રાજનીતિને દિશા આપવામાં મહત્વનો ભાગ ભજવ્યો હતો. પ્રશાંત કિશોર જેને PK તરીકે પણ ઓળખાય છે, તેમણે ઘણા રાજ્યોમાં રાજકીય રણનીતિઓ ઘડી છે અને ઘણા નેતાઓને સત્તા અપાવી છે.
તેમણે પોતાને ચૂંટણી જીતના માસ્ટરમાઇન્ડ સાબિત કર્યા છે. પરંતુ જ્યારે તેમના પોતાના રાજ્ય બિહારની વાત આવી ત્યારે તેઓ દાવો કરતા હતા કે લોકો પરિવર્તન ઈચ્છે છે અને જનસુરાજ તે પરિવર્તનની શરૂઆત છે, ત્યારે જનતાએ તેમના માટે લગભગ દરવાજા બંધ કરી દીધા.
PK ૧૨૮૦ દિવસ સુધી ગામડે ગામડે પગપાળા ફર્યા, હજારો સભાઓ કરી અને પોતાના ખર્ચે ₹૯૮ કરોડનું દાન પક્ષને આપ્યું. તેમણે ૧૩૦૦ વ્યાવસાયિકોની ટીમ બનાવી અને વારંવાર કહ્યું હતું કે ૨૦૨૫ માં બિહાર ઇતિહાસ રચશે."
ઇતિહાસ તો રચાયો, પણ PK ની અપેક્ષાઓથી વિપરીત. તેમણે જે દાવાઓ વારંવાર કર્યા, તે જનતાએ એક ઝટકામાં નકારી કાઢ્યા. પરિણામોમાં જનસુરાજનું ખાતું પણ ન ખૂલ્યું અને પ્રદર્શન એટલું ખરાબ રહ્યું કે AIMIM અને BSP જેવા પક્ષો પણ તેમનાથી આગળ નીકળી ગયા.
આ ચૂંટણી માત્ર રાજકીય મુકાબલો જ નહોતો, પરંતુ તેણે એ પણ દર્શાવ્યું કે રણનીતિકાર હોવું અને જન નેતા હોવું બંને તદ્દન અલગ બાબતો છે.
જનસુરાજ પક્ષે ચૂંટણી મેદાનમાં ઉતરતી વખતે ૧ કરોડથી વધુ સભ્યો હોવાનો દાવો કર્યો હતો. એવું કહેવામાં આવ્યું હતું કે આ બિહારનો સૌથી મોટો જન આંદોલન આધારિત પક્ષ છે. પરંતુ પરિણામોમાં પક્ષને ૧૦ લાખ મત પણ મળ્યા નથી.
૨૩૮ બેઠકો પર ઉમેદવારો ઉભા રાખવામાં આવ્યા હતા, જેમાંથી ૨૩૩ ની ડિપોઝિટ જપ્ત થઈ ગઈ છે. કોઈપણ બેઠક પર તેમના ઉમેદવારો લીડ પણ મેળવી શક્યા નહોતા. આ ૯૮% બેઠકો છે. પક્ષને કુલ મતોના ૧% પણ મળ્યા નથી.
માયાવતીની BSP ને બિહારમાં મોટી તાકાત માનવામાં આવતી નથી, તેણે પણ આનાથી વધુ મત મેળવ્યા અને તેનો વોટ શેર ૧.૫૨% રહ્યો.
પ્રશાંત કિશોર રોહતાસ જિલ્લાના છે, જ્યાં સાત વિધાનસભા બેઠકો છે. આ તમામ બેઠકો પર જનસુરાજ ઉમેદવારો પોતાની ડિપોઝિટ બચાવવામાં પણ નિષ્ફળ રહ્યા. તેમની પોતાની વિધાનસભા કરગહરમાં પક્ષને માત્ર ૩% મત મળ્યા.
આ દર્શાવે છે કે સ્થાનિક સ્તરે પણ PK ની સ્વીકૃતિ બની શકી નથી. જ્યાં જનસુરાજનું ખાતું પણ ન ખૂલ્યું, ત્યાં AIMIM એ ૨૮ બેઠકો પર ચૂંટણી લડીને ૨% વોટ શેર મેળવ્યો અને ૫ બેઠકો જીતતી દેખાઈ રહી છે.
BSP એ ૧૮૧ બેઠકો પર ચૂંટણી લડી અને તેને ૧.૫% મતો સાથે એક બેઠક મળી રહી છે. બંને પક્ષોએ જનસુરાજ કરતાં સારું પ્રદર્શન કર્યું છે.
PK એ આખી ઝુંબેશમાં હેલિકોપ્ટરનો ઉપયોગ કર્યો ન હતો, રોજ સડક માર્ગે ૨૦૦ કિલોમીટરનો પ્રવાસ કરતા અને રોજ ૮ થી ૧૦ વિધાનસભા ક્ષેત્રોમાં પહોંચતા. આટલી મહેનત છતાં જનતાએ તેમને વિકલ્પ માન્યા નથી.
સપ્ટેમ્બરમાં PK એ જણાવ્યું કે તેમણે સલાહકારના કામથી ૩ વર્ષમાં ૨૪૧ કરોડ કમાયા અને તેમાંથી ૯૮ કરોડ પોતાની પાર્ટીને દાન આપ્યા. આટલા પૈસા અને મોટી વ્યાવસાયિક ટીમ હોવા છતાં જનતાને પક્ષ પર ભરોસો થયો નથી.
જનસુરાજ ચલાવવા માટે PK એ JSPT નામની કન્સલ્ટન્સી કંપની બનાવી. તેમાં આઇટી વ્યાવસાયિકો, પૂર્વ પત્રકારો, સામાજિક કાર્યકરો અને ઘણા નિષ્ણાતો શામેલ છે.
૩૮ જિલ્લાઓમાં ૨૫ થી વધુ ટીમો કામ કરી રહી હતી. દરેક જિલ્લામાં DI, DPoC અને દરેક વિધાનસભામાં DPR હાજર હતા. આટલી મોટી મશીનરી હોવા છતાં પક્ષ જનસમર્થન મેળવી શક્યો નથી.
Click it and Unblock the Notifications
Sign in with Google
