Punjab News : 17 મેના રોજ યોજાશે પંજાબ કેબિનેટ બેઠક, CM માને કહ્યું- વિકાસ કાર્યો પર ચર્ચા કરી લેવાશે નિર્ણય
Punjab News : પંજાબના મુખ્યમંત્રી ભગવંત માનની અધ્યક્ષતામાં કેબિનેટની આગામી બેઠક 17 મેના રોજ યોજાશે. આ બેઠક સરકાર તુહાડે દ્વાર અંતર્ગત જલંધરના સર્કિટ હાઉસમાં યોજાશે.
જેમાં જલંધર સહિત સમગ્ર પંજાબના વિકાસના કાર્યો વિશે ચર્ચા કરીને તેમને મંજૂરી આપવામાં આવશે. પંજાબ મુખ્યમંત્રી ભગવંત માને આ સંબંધમાં ટ્વીટ કરીને જાણકારી આપી છે.
પંજાબના મુખ્યમંત્રી ભગવંત માને પોતાના ટ્વીટની ટેગ લાઈન 'સરકાર તુહાડે દ્વાર' રાખી છે. તેમણે લખ્યું હતું કે, પંજાબ સરકાર તેના વચન મુજબ 17 મેના રોજ જલંધર સર્કિટ હાઉસમાં સવારે 10.30 કલાકે કેબિનેટની બેઠક કરશે. જેમાં તમામ જૂના પડતર કેસોના નિરાકરણ અંગે વિચારણા કરવામાં આવશે. તેમજ તાત્કાલિક નિર્ણય લેવામાં આવશે.
પંજાબની માન સરકાર દ્વારા કેબિનેટની બેઠકમાં જ પંજાબ સંબંધિત તમામ મુખ્ય બાબતો પર નિર્ણય લેવામાં આવ્યો છે. છેલ્લી વખત કેબિનેટની બેઠક ચંદીગઢની બહાર પહેલીવાર લુધિયાણામાં યોજાઈ હતી.
આ બેઠકમાં નક્કી કરવામાં આવ્યું હતું કે, સરકાર આપકે દ્વાર અંતર્ગત વિવિધ ગામો અને શહેરોમાં કેબિનેટની બેઠકો યોજવામાં આવશે. પંજાબના મુખ્યમંત્રી ભગવંત માને જણાવ્યું હતું કે, જે જગ્યાએ કેબિનેટની બેઠક થશે, સરકાર ત્યાં આખો દિવસ રહેશે.
છેલ્લી કેબિનેટ મીટિંગમાં, પંજાબ સરકારે PAUના શિક્ષકો માટે 7મા પગાર પંચને લાગુ કરવાની વાત કરી હતી. PAU અને ગડવાસુ શિક્ષકોના કર્મચારીઓ માટે આગામી કેબિનેટની બેઠકમાં 7મો પગાર આપવાનું કહેવામાં આવ્યું હતું. હવે સ્પષ્ટ થયું છે કે, પંજાબ સરકાર 17 મે બુધવારના રોજ કર્મચારીઓને આ ભેટ આપશે.
Click it and Unblock the Notifications
Sign in with Google
