પંજાબમાં વિપક્ષ પણ કરી રહ્યુ છે આપ સરકારના વિકાસની પ્રશંસા
પંજાબમાં ભગવંત માન સરકાર જે રીતે વિકાસના કામો કરી રહી છે તેનાથી વિપક્ષ પણ પ્રભાવિત થઈ રહ્યુ છે. લુધિયાણામાં કોંગ્રેસ નેતાઓઓએ ઝાડુનો પાલવ પકડ્યો છે.
પંજાબમાં આમ આદમી પાર્ટીની ભગવંત માન સરકાર જે રીતે કામ કરી રહી છે તેના પરિણામે જનતાથી લઈને વિપક્ષના નેતા પણ આપની પ્રશંસા કરી રહ્યા છે. લુધિયાણામાં કોંગ્રેસ નેતાઓએ પોતાની પાર્ટીને અલવિદા કહીને ઝાડુનો પાલવ પકડી લીધો છે. એટલુ જ નહિ આ કોંગ્રેસ નેતાઓએ આની પાછળનુ કારણ માન સરકારની સ્પષ્ટ નિયત સાથે કામ કરવાનુ ગણાવ્યુ, જેના કારણે તે આપમાં સામેલ થયા.
હાલમાં ચંદીગઢમાં, ધારાસભ્ય હરદીપ મુંડિયન, ધારાસભ્ય મદન લાલ બગ્ગાના નેતૃત્વમાં, ઘણા નેતાઓએ એસએડી અને કોંગ્રેસને અલવિદા કહી દીધુ અને આપમાં જોડાયા. લુધિયાણાથી એસએડી સેક્રેટરી મનપ્રીત સિંહ બંટી, કાઉન્સિલર વૉર્ડ નંબર 91 બલજિંદર સંધુ, કાઉન્સિલર રાજુ થાપર, અનિલ શર્મા અને અન્ય ઘણા નેતાઓ આપમાં જોડાયા. લુધિયાણાના ત્રણ વખત કોંગ્રેસના કાઉન્સિલર સુશીલ કુમાર રાજુ થાપર અને બલજિંદર સિંહ સંધુ કોંગ્રેસ છોડીને આમ આદમી પાર્ટીમાં જોડાયા છે.
કૉર્પોરેશનની ચૂંટણીના ઉત્સાહ વચ્ચે વિપક્ષને આ પહેલો ફટકો છે. અહીં આપના પંજાબ પ્રભારી જરનૈલ સિંહની વાત માનીએ તો પંજાબ અને દિલ્લી એવા બે રાજ્યો છે જ્યાં આમ આદમી પાર્ટીએ લોકોને આપેલા વચનો પૂરા કર્યા છે. આ સ્થિતિમાં રાજકીય પક્ષો છોડીને આપમાં જોડાવા આવેલા નેતાઓનુ સ્વાગત કરવામાં આવી રહ્યુ છે. જરનૈલ સિંહે કહ્યુ કે દરેક પાર્ટીમાં સારા અને ખરાબ લોકો હોય છે. આપણે સારા લોકોને આપણી સાથે જોડવાની જરૂર છે જેથી કરીને આપણે પંજાબને બહેતર અને વિકાસ તરફ લઈ જઈ શકીએ.
પંજાબમાં સરકાર બનાવી ત્યારથી જ આમ આદમી પાર્ટી પોતાની ચૂંટણી ગેરંટી પૂરી કરવામાં વ્યસ્ત છે. પાર્ટી વીજળી, રોજગાર, ભ્રષ્ટાચાર હેલ્પલાઈન, શિક્ષણ સહિત અનેક ક્ષેત્રોમાં સતત કામ કરી રહી છે. તાજેતરમાં, શિક્ષણનું સ્તર વધારવા માટે સીએમ ભગવંત માને સરકારી શાળાના પ્રચારકોની પ્રથમ બેચને તાલીમ માટે સિંગાપોર મોકલી છે. આ સિવાય પંજાબની શાળાઓને દિલ્લીની જેમ ચમકાવવામાં આવી રહી છે.
તમને જણાવી દઈએ કે તાજેતરમાં પૂર્ણ થયેલી ગુજરાત વિધાનસભાની ચૂંટણી દરમિયાન ભગવંત માને પંજાબ ઉપરાંત રાજ્યની બહાર પણ પોતાની હાજરી દર્શાવી હતી. પંજાબ-દિલ્લી સરકારના વિકાસ મોડલને ગુજરાતની જનતા સમક્ષ મુકવામાં આવ્યુ હતુ. જેના કારણે આમ આદમી પાર્ટીએ પણ ચૂંટણીમાં વિરોધીઓને જોરદાર ટક્કર આપી હતી.
Click it and Unblock the Notifications
Sign in with Google
