રાહુલ ગાંધીની સંસદની સભ્યતા રદ્દ, લોકસભા સચિવાલયએ જારી કરી નોટીસ

Updated: Friday, March 24, 2023, 14:57 [IST]

રાહુલ ગાંધીનું સંસદ સભ્યપદ રદ કરવામાં આવ્યું છે. આજે લોકસભા સચિવાલયે એક નોટિફિકેશન બહાર પાડીને આ માહિતી આપી હતી. ગુરુવારે (23 માર્ચ), સુરતની કોર્ટે તેને ફોજદારી માનહાનિના કેસમાં દોષિત ઠેરવ્યો હતો અને તેને બે વર્ષની જેલની સજા ફટકારી હતી અને 15,000 રૂપિયાનો દંડ પણ ફટકાર્યો હતો. જોકે, કેસની સુનાવણી દરમિયાન કોર્ટે તેને જામીન આપ્યા હતા.

રાહુલ ગાંધી કેરળના વાયનાડથી લોકસભા સાંસદ હતા. તેઓ પ્રથમ વખત 2004માં અમેઠી લોકસભા બેઠક પરથી ચૂંટાયા હતા અને 2019 સુધી ત્યાંના સંસદસભ્ય હતા. 2019ની લોકસભા ચૂંટણીમાં, તેઓ અમેઠીની તેમની પરંપરાગત બેઠક કેન્દ્રીય મંત્રી સ્મૃતિ ઈરાની સામે હારી ગયા, પરંતુ વાયનાડથી ચૂંટણી જીતીને તેમની સંસદ સભ્યપદ જાળવી રાખી.

કોંગ્રેસ અધ્યક્ષ મલ્લિકાર્જુન ખડગેએ કહ્યું કે, ભાજપે તેમને ગેરલાયક ઠેરવવાના તમામ પ્રયાસ કર્યા. તેઓ જે પણ સત્ય કહે છે તે પોતાની સાથે રાખવા માંગતા નથી, પરંતુ અમે સત્ય બોલતા રહીશું. અમે જેપીસીની માંગણી ચાલુ રાખીશું, જરૂર પડશે તો લોકશાહી બચાવવા જેલમાં જઈશું.

श्री राहुल गांधी की लोकसभा सदस्यता खत्म करना तानाशाही का एक और उदाहरण है। बीजेपी ये ना भूले कि यही तरीका उन्होंने श्रीमती इन्दिरा गांधी के खिलाफ भी अपनाया था और मुंह की खानी पड़ी। श्री राहुल गांधी देश की आवाज हैं जो इस तानाशाही के खिलाफ अब और मजबूत होगी।
— Ashok Gehlot (@ashokgehlot51) March 24, 2023

રાજસ્થાનના સીએમ અશોક ગેહલોતે દુઃખ વ્યક્ત કર્યું

રાહુલ ગાંધીની સંસદની સદસ્યતા રદ થવા પર દુઃખ વ્યક્ત કરતા રાજસ્થાનના સીએમ અશોક ગેહલોતે સરકારના નિર્ણયની ટીકા કરી હતી. અશોક ગેહલોતે કહ્યું, રાહુલ વિપક્ષનો અવાજ છે અને હવે આ તાનાશાહી સામે આ અવાજ વધુ મજબૂત થશે.

સીએમએ કહ્યું કે રાહુલ ગાંધીની લોકસભાની સદસ્યતા નાબૂદ કરવી એ સરમુખત્યારશાહીનું બીજું ઉદાહરણ છે. ભાજપે એ ન ભૂલવું જોઈએ કે તેઓએ ઈન્દિરા ગાંધી સામે પણ આ જ પદ્ધતિ અપનાવી હતી અને તેનું પરિણામ તેમણે ભોગવવું પડ્યું હતું. રાહુલ ગાંધી દેશનો અવાજ છે જે હવે આ તાનાશાહી સામે વધુ મજબૂત બનશે.

અન્ય એક ટ્વિટમાં સીએમ ગેહલોતે કહ્યું- ભારત જોડો યાત્રામાં રાહુલે મોંઘવારી, બેરોજગારી, ભ્રષ્ટાચાર અને હિંસાનો મુદ્દો ઉઠાવ્યો હતો. તેમની તરફ ધ્યાન આપવાને બદલે ભાજપ સરકાર રાહુલ વિરુદ્ધ દમનકારી પગલાં લઈ રહી છે.