જમ્મુ કાશ્મીરમાં હાલત ખરાબ, સરકાર જણાવે શુ ચાલી રહ્યું છે: રાહુલ

કોંગ્રેસની સીડબલ્યુસીની બેઠકમાં રાહુલ ગાંધીએ શનિવારે જમ્મુ-કાશ્મીરના મુદ્દા પર સરકારની ભૂમિકા પર સવાલ ઉઠાવ્યા હતા. રાહુલ ગાંધીએ જમ્મુ-કાશ્મીરની પરિસ્થિતિ પર ગંભીર ચિંતા વ્યક્ત કરી અને પીએમ પાસે માંગ કરી કે પીએમ નરેન્દ્ર મોદીએ દેશને ત્યાંની પરિસ્થિતિ વિશે સંપૂર્ણ પારદર્શિતા સાથે જણાવવું જોઈએ. જમ્મુ-કાશ્મીરથી ચિંતાજનક સમાચાર આવી રહ્યા છે.

રાહુલ ગાંધી આખરે શનિવારે સાંજે પાર્ટી કાર્યાલય પહોંચ્યા. પરંતુ થોડા સમય પછી તે બહાર આવ્યા અને મીડિયાને મળ્યા. મીડિયા સાથે વાત કરતા રાહુલ ગાંધીએ કહ્યું હતું કે, બેઠકની મધ્યમાં જમ્મુ-કાશ્મીર વિશે અહેવાલો આવ્યા હતા. તેથી જ મને સીડબ્લ્યુસીની મીટિંગમાં બોલાવવામાં આવ્યો. નવા કોંગ્રેસ અધ્યક્ષ વિશે ચર્ચા રોકીને જમ્મુ-કાશ્મીરની પરિસ્થિતિ અંગે ચર્ચા કરવામાં આવી હતી. વસ્તુઓ ત્યાં ખૂબ જ ખરાબ છે. લોકો ત્યાં મરી રહ્યા છે. સરકારે પરિસ્થિતિ જણાવવી જોઈએ. પારદર્શિતા સાથે, પીએમ અને સરકારે દેશ અને જમ્મુ-કાશ્મીરના લોકોને કહેવું જોઈએ કે ત્યાંની પરિસ્થિતિ શું છે?

#WATCH Rahul Gandhi, Congress: I was called by the Working Committee because between the work that they were doing, to choose next Congress president, some reports have come that things in Jammu&Kashmir are going very wrong...so we stopped our deliberation... pic.twitter.com/5WgtRahH7Y

— ANI (@ANI) August 10, 2019

શનિવારે કોંગ્રેસ કાર્યકારી સમિતિ (સીડબ્લ્યુસી) ની બેઠક પાર્ટીના નવા પ્રમુખની પસંદગી માટે યોજવામાં આવી હતી. અગાઉ કોંગ્રેસ કાર્યકારી સમિતિની બેઠક બપોરે 4 વાગ્યા સુધી રદ કરવામાં આવી હતી. આ પછી હવે આ બેઠક આઠ વાગ્યાથી ફરી શરૂ થઈ. આ બેઠકમાં વચગાળાના પ્રમુખ તરીકે સોનિયા ગાંધીના નામના પ્રસ્તાવને સમર્થન આપવામાં આવ્યું છે. આ બેઠક માટે પૂર્વ પ્રધાનમંત્રી મનમોહન સિંહ, મલ્લિકાર્જુન ખડગે, એકે એન્ટની અને જ્યોતિરાદિત્ય સિંધિયા પહોંચ્યા હતા. આ બેઠકમાં સોનિયા ગાંધી, પ્રિયંકા ગાંધી અને રાહુલ ગાંધી પણ પહોંચ્યા હતા. આ બેઠકમાં નવા અધ્યક્ષના નામની સાથે જમ્મુ-કાશ્મીરની પરિસ્થિતિ અંગે ચર્ચા કરવામાં આવી હતી.

Rahul Gandhi: ...there are reports of violence, so we stopped our deliberation and we had our presentation on what was going on in Jammu and Kashmir. It is important that the Prime Minister makes it clear what is happening in Union territory of Jammu&Kashmir, and Ladakh. (2/2) https://t.co/gAhZxSUUbr

— ANI (@ANI) August 10, 2019

English summary

Rahul Gandhi says things in Jammu Kashmir are very bad, reports of violence