'પરિવાર સાથે મહિનાઓ સુધી વાત નહિ, ફોન અડ્યા નથી ', રામ લલ્લાની મૂર્તિ બનાવનારની પ્રશંસામાં શું બોલ્યા ચંપત રાય
Arun Yogiraj News: મૈસૂરના જાણીતા શિલ્પકાર અરુણ યોગીરાજે અયોધ્યામાં રામ મંદિર માટે રામલલાની મૂર્તિ બનાવી છે. અરુણ યોગીરાજ દ્વારા બનાવવામાં આવેલી રામલલાની મૂર્તિને જ રામ મંદિરના પ્રાણ પ્રતિષ્ઠા કાર્યક્રમમાં સામેલ કરવામાં આવશે.
હવે સીએમઓ અને શ્રી રામ જન્મભૂમિ તીર્થ ક્ષેત્ર ટ્રસ્ટના જનરલ સેક્રેટરી ચંપત રાયે શિલ્પકાર અરુણ યોગીરાજની પ્રશંસા કરી છે. રામ મંદિરનો પ્રાણ પ્રતિષ્ઠા કાર્યક્રમ 22 જાન્યુઆરીએ યોજાવા જઈ રહ્યો છે.
CMO તરફથી એક સત્તાવાર નિવેદનમાં કહેવામાં આવ્યું છે કે રામલલાની મૂર્તિ બનાવનાર શિલ્પકાર, મૈસૂરના અરુણ યોગીરાજે મૂર્તિના નિર્માણ દરમિયાન મહિનાઓ સુધી તેમના પરિવાર સાથે કોઈ વાતચીત કરી ન હતી. આમ કરવામાં તેમણે અજોડ સ્તરનું સમર્પણ દર્શાવ્યું છે.
શ્રી રામ જન્મભૂમિ તીર્થ ક્ષેત્ર ટ્રસ્ટના મહાસચિવ ચંપત રાયે સોમવારે અરુણ યોગીરાજના કાર્યની પ્રશંસા કરી હતી. તેમણે કહ્યું કે, પ્રતિમાના નિર્માણ દરમિયાન અરુણ યોગીરાજની એકાગ્રતા અને બલિદાન નોંધપાત્ર છે.
ચંપત રાયે કહ્યું કે મૂર્તિ બનાવતી વખતે કામમાં કોઈ અડચણ ન આવે તે માટે તેમણે મહિનાઓ સુધી પોતાના પરિવારના સભ્યો સાથે વાત પણ કરી ન હતી. તેમણે તેમના બાળકોના ચહેરા પણ જોયા નહોતા, મોબાઈલ ફોનનો ઉપયોગ પણ ન કર્યો.
ચંપત રાયે કહ્યું કે પ્રતિમાના નિર્માણ કાર્ય દરમિયાન અરુણ યોગીરાજ જે રીતે જીવન જીવ્યા તેની તમે કલ્પના પણ કરી શકતા નથી. કામ દરમિયાન તેમણે મહિનાઓ સુધી ફોનને હાથ પણ ન લગાવ્યો. તેમણે પોતાના બાળકો અને પરિવાર સાથે વાત પણ કરી ન હતી. ચંપત રાયે કહ્યું કે અરુણ યોગીરાજ ઘણી પેઢીઓથી મૂર્તિ બનાવવાના કામ સાથે જોડાયેલા છે. તેમના પૂર્વજો પણ આ જ કરતા આવ્યા છે.
તમને જણાવી દઈએ કે કેદારનાથમાં શંકરાચાર્યની પ્રતિમા પણ અરુણ યોગીરાજ દ્વારા બનાવવામાં આવી છે. તેમણે દિલ્હીમાં ઈન્ડિયા ગેટની નીચે સુભાષ ચંદ્ર બોઝની પ્રતિમા પણ બનાવી છે. શ્રી રામલલાની મૂર્તિની પસંદગીની પ્રક્રિયા દરમિયાન તેમની મૂર્તિની પસંદગી કરવામાં આવી હતી. તમામ ટ્રસ્ટીઓએ તેમના કાર્યની પ્રશંસા કરી છે.
Click it and Unblock the Notifications
Sign in with Google
