For Daily Alerts
ઇન્કમ ટેક્સ વિભાગે HRA છુટ પર નિયંત્રણ લાદ્યું
સેન્ટ્રલ બોર્ડ ઓફ ડાયરેક્ટ ટેક્સીસ (સીબીડીટી)એ આ મુદ્દે પાછલા સપ્તાહે એક પરિપત્ર બહાર પાડ્યો હતો. આ પરિપત્ર અનુસાર જો લેન્ડલોર્ડ એટલે કે મકાન માલિકનો પેન નંબર ના હોય તો રિટર્ન ભરનારે મકાન માલિકના નામ અને સરનામા સાથે આ બાબતનું ડિક્લેરેશન આપવું પડશે.
અત્યાર સુધી નિયમ એવો હતો કે જ્યાં સુધી મકાનનું માસિક ભાડું 15000 રૂપિયાથી ઓછું હોય તેમણે મકાન માલિકનો પેન નંબર આપનાની જરૂર રહેતી ન હતી. નવા નિયમ અનુસાર આ લિમિટ ઘટાડીને માસિક 8,333 કરવામાં આવી છે. આ લિમિટથી વધારે ભાડું ચૂકવનારાઓએ પેન આપવો ફરજિયાત બનશે.
ઇન્કમ ટેક્સ વિભાગ દ્વારા સીબીડીટી સાથે મળીને આ કવાયત એવા સેલરીડ પ્રોફેશનલ્સ માટે હાથ ધરી છે જેઓ કરમાં લાભ મેળવવા માટે નકલી ભાડા ચિઠ્ઠી રજૂ કરતા આવ્યા છે. આ જોગવાઇ માત્ર ટીડીએસ કપાવનારાઓ માટે લાગુ પડશે.
Comments
English summary
Rent over 1 lakh must need landlord pan number : Income tax department