6 રાજ્યોમાં 7 બેઠકોની પેટા ચૂંટણીનું પરિણામ જાહેર, જાણો કોને મળી કેટલી સીટ

છ રાજ્યોમાં ખાલી પડેલી 7 વિધાનસભાની બેઠકોની પેટા ચૂંટણીનું પરિણામ 3 નવેમ્બરના રોજ જાહેર થઇ ગયું છે. જેમાં ભાજપને 4 સીટ મળી છે. આ સાથે આરજેડી અને શિવસેનાને એક-એક સીટ મળી છે. આ સાથે તેલંગાણાની બેઠક માટેની મતગણતરી ચાલી રહી છે. મુનુગેડે સીટ પર ભાજપ અને ટીઆરએસ વચ્ચે કાંટાની ટક્કર જોવા મળી રહી છે.

આરજેડી નેતા નીલમ દેવીએ ભાજપની સોનમ દેવીને હરાવીને જીત મેળવી

બિહારના મોકામા અને ગોપાલગંજ, મહારાષ્ટ્રના અંધેરી પૂર્વ, તેલંગાણાના મુનુગોડે, ઉત્તર પ્રદેશમાં ગોલા ગોકર્ણનાથ, ઓડિશાના ધામનગર, હરિયાણાના આદમપુરની સાત વિધાનસભા બેઠકો પર પેટા ચૂંટણી યોજાઈ હતી. આ તમામ બેઠકો પર પરિણામનું ચિત્ર લગભગ સ્પષ્ટ છે. બિહારના મોકામામાં આરજેડી નેતા નીલમ દેવીએ ભાજપની સોનમ દેવીને હરાવીને જીત મેળવી છે.

ઉદ્ધવ બાળાસાહેબ ઠાકરે પાર્ટીના ઉમેદવાર રિતુજા લટકેને કુલ 66530 વોટ મળ્યા

આવા સમયે ભાજપ નેતા કુસુમ દેવીએ ગોપાલગંજ સીટ પર આરજેડીના મોહન પ્રસાદ ગુપ્તાને હરાવીને કમળ ખીલાવ્યું હતું. આ સાથે મહારાષ્ટ્રની અંધેરી પૂર્વ બેઠક પરથી શિવસેનાના ઉદ્ધવ જૂથને મોટી જીત મળી છે. અંધેરી ઈસ્ટ પેટા ચૂંટણીમાં શિવસેનાના ઉદ્ધવ બાળાસાહેબ ઠાકરે પાર્ટીના ઉમેદવાર રિતુજા લટકેને કુલ 66530 વોટ મળ્યા હતા. આશ્ચર્યની વાત એ છે કે, અહીં NOTAમાં પણ 12,806 વોટ પડ્યા હતા.

ભાજપના ઉમેદવાર સૂર્યવંશી સૂરજે જીત નોંધાવી

ઉત્તર પ્રદેશના લખીમપુર ખેરીમાં આવેલી ગોલા ગોકર્ણનાથ વિધાનસભા પેટા ચૂંટણીમાં ભાજપને મોટી જીત મળી છે. આ સીટ પર ભાજપના ઉમેદવાર અમન ગીરીએ સમાજવાદી પાર્ટીના ઉમેદવાર વિનય તિવારીને 34,298 મતોથી હરાવ્યા છે. ઓડિશામાં ધામનગર પેટા ચૂંટણીમાં પણ ભાજપે જંગી જીત મેળવી છે. અહીં ભાજપના ઉમેદવાર સૂર્યવંશી સૂરજે જીત નોંધાવી છે. હરિયાણાના આદમપુરમાં પણ ભાજપે જીત નોંધાવી છે. આદમપુર વિધાનસભા પેટા ચૂંટણીમાં ભાજપના ઉમેદવાર ભવ્ય બિશ્નોઈ પહેલા રાઉન્ડથી જ આગળ હતા.

તેલંગાણામાં ટીઆરએસ આગળ

રવિવારે તેલંગણામાં મુનુગોડે વિધાનસભા બેઠક માટે છ તબક્કાની મત ગણતરી બાદ સત્તારૂઢ તેલંગાણા રાષ્ટ્ર સમિતિ (TRS) ઉમેદવાર ભારતીય જનતા પાર્ટી (BJP) ના તેના નજીકના હરીફ કરતા આગળ છે.

વલણો અનુસાર, TRS ઉમેદવાર કુસુકુંતલા પ્રભાકર રેડ્ડીને છ તબક્કાની મતગણતરી બાદ 38,521 મત મળ્યા છે, જ્યારે તેમના નજીકના ભાજપના હરીફ કોમાતિ રેડ્ડી રાજગોપાલ રેડ્ડીને 36,352 મત મળ્યા, કોંગ્રેસના ઉમેદવાર પલવાઈ શ્રવંતિને માત્ર 12,025 મત મળ્યા છે.

English summary

Results of by-elections of 7 seats in 6 states announced, know who will get how many seats