Mokama By Election માં RJD નેતા નીલમની જીત, ભાજપને મળી કારમી હાર
Mokama By Election : બિહારમાં આજે પેટા ચૂંટણીનું પરિણામ જાહેર થયું છે. જેમાં ભાજપની કારમી હાર થઇ છે.
Mokama By Election : બિહારમાં આજે પેટા ચૂંટણીનું પરિણામ જાહેર થયું છે. જેમાં ભાજપની કારમી હાર થઇ છે. Mokama By Electionમાં બાહુબલી નેતા અનંત સિંહની પત્ની અને RJD નેતા નીલમ સિંહએ મોટા માર્જિનથી જીત મેળવી છે. આ પ્રસંગે RJD નેતા નીલમ સિંહે જણાવ્યું હતું કે, તેમને પોતાની જીત અંગે કોઇ શંકા ન હતી. ભાજપની હાર નિશ્ચિત જ હતી.
ચૂંટણી માત્ર ઔપચારિકતા હતી!
જીત બાદ નીલમ સિંહે જણાવ્યું હતું કે, મારી જીત નિશ્ચિત જ હતી. મેં પહેલેથી જ જણાવ્યું હતું કે, મારી સામે સ્પર્ધા કરી શકે એવું કોઇ ચૂંટણી મેદાનમાં બીજું કોઈ નથી. ચૂંટણી માત્ર એક ઔપચારિકતા હતી. મોકામા પરશુરામની ભૂમિ છે, લોકો લોભી નહીં થાય. ધારાસભ્ય રહેલા અનંત સિંહે લોકોની સેવા કરી હતી. તેઓ હવે પરિણામ આપી રહ્યા છે.
ઉલ્લેખનીય છે કે, નીલમ બાહુબલી અનંત સિંહની પત્ની છે અને RJDએ તેમને પોતાનો ઉમેદવાર બનાવ્યા હતા. તેમની સામે ઉભેલી ભાજપની મહિલા ઉમેદવાર બીજા નંબરે છે.