Putin India Visit: ડિસેમ્બરમાં આ દિવસે ભારત આવશે રશિયાના રાષ્ટ્રપતિ વ્લાદિમીર પુતિન, જાણો સંપૂર્ણ શેડ્યુલ
Putin India Visit: રશિયાના રાષ્ટ્રપતિ વ્લાદિમીર પુતિન 4 અને 5 ડિસેમ્બર, 2025ના રોજ ભારતમાં રહેશે. PM મોદી સાથે 23મા ભારત-રશિયા વાર્ષિક શિખર સંમેલનમાં ભાગ લેશે, રાષ્ટ્રપતિ દ્રૌપદી મુર્મુ સાથે પણ કરશે મુલાકાત, ભારત-રશિયા સંબંધોને વધુ મજબૂત બનાવવાની તૈયારી.
રશિયાના રાષ્ટ્રપતિ વ્લાદિમીર પુતિન આ વર્ષે ડિસેમ્બરમાં ભારતની બે દિવસીય મુલાકાતે આવી રહ્યા છે. પુતિનનું સત્તાવાર સમયપત્રક જાહેર કરી દેવામાં આવ્યું છે. તેઓ 4 અને 5 ડિસેમ્બર, 2025ના રોજ ભારતમાં રહેશે, અને તેમની આ મુલાકાત ઘણા દ્વિપક્ષીય અને આંતરરાષ્ટ્રીય મુદ્દાઓ પર અત્યંત મહત્ત્વપૂર્ણ સાબિત થશે.
પુતિનની ભારત મુલાકાતનું શિડ્યૂલ
ક્રેમલિન દ્વારા આપવામાં આવેલી માહિતી અનુસાર, આ મુલાકાત દરમિયાન પુતિન નીચેના મુખ્ય નેતાઓ સાથે મુલાકાત કરશે.
- PM નરેન્દ્ર મોદી: PM મોદી સાથે પુતિન 23મા ભારત-રશિયા વાર્ષિક શિખર સંમેલનમાં ભાગ લેશે, જે દરમિયાન બંને નેતાઓ વચ્ચે દ્વિપક્ષીય વાટાઘાટો થશે. આ વાર્ષિક શિખર સંમેલન બંને દેશોના સંબંધોને મજબૂત બનાવવામાં મહત્ત્વની ભૂમિકા ભજવે છે.
- રાષ્ટ્રપતિ દ્રૌપદી મુર્મુ: પુતિન ભારતના રાષ્ટ્રપતિ દ્રૌપદી મુર્મુ સાથે પણ મુલાકાત કરશે.
વિદેશ મંત્રાલય (MEA) એ જણાવ્યું કે આ મુલાકાત બંને દેશોના નેતૃત્વને દ્વિપક્ષીય સંબંધોમાં થયેલી પ્રગતિની સમીક્ષા કરવાની, 'વિશેષ અને વિશેષાધિકૃત વ્યૂહાત્મક ભાગીદારી'ને મજબૂત બનાવવા માટે ભવિષ્યના પગલાંનો નકશો બનાવવાની અને પરસ્પર હિતના પ્રાદેશિક તથા વૈશ્વિક મુદ્દાઓ પર વિચારોનું આદાન-પ્રદાન કરવાની તક પૂરી પાડશે.
આંતરરાષ્ટ્રીય દૃષ્ટિકોણ અને સંબંધો
પુતિનની મુલાકાત એવા સમયે થઈ રહી છે જ્યારે રશિયા પાસેથી તેલ ખરીદવાના મામલે અમેરિકાએ ભૂતકાળમાં ભારત પર ટેરિફ લાદ્યો હતો.
- અમેરિકાના રાષ્ટ્રપતિ ડોનાલ્ડ ટ્રમ્પે રશિયા પાસેથી તેલ ખરીદવા માટે ભારત પર 50 ટકા ટેરિફ લાદ્યો હતો. જોકે, ટ્રમ્પે હવે ભારત પ્રત્યે નરમ વલણ દર્શાવ્યું છે.
- અમેરિકન દબાણ છતાં, ભારતે પોતાની વિદેશ નીતિ પર અડગ રહીને રશિયા સાથેના સંબંધો જાળવી રાખ્યા છે.
નોંધનીય છે કે, PM મોદીએ પુતિનને ભારત આવવાનું આમંત્રણ આપ્યું હતું. અગાઉ PM મોદી અને પુતિન શાંઘાઈ કોઓપરેશન ઓર્ગેનાઇઝેશન (SCO) સમિટ દરમિયાન ચીનમાં મળ્યા હતા અને એક કલાક લાંબી વાતચીત કરી હતી. પુતિન છેલ્લે 2021માં ભારતની મુલાકાતે આવ્યા હતા.
Click it and Unblock the Notifications
Sign in with Google
