રામદેવ ભૂલ્યા મર્યાદા, કહ્યું-'મોટાભાગના કોંગ્રેસી સમલૈંગિક'

નવી દિલ્હી, 17 ડિસેમ્બર: એકવાર ફરી યોગ ગુરુ બાબા રામદેવનું વિવાદાસ્પદ નિવેદન સામે આવ્યું છે. રામદેવે સમલૈગિંકતા પર કોંગ્રેસના નરમ વલણ પર સખત નારાજગી વ્યક્ત કરી છે. પરંતુ જ્યારે તેઓ આ મામલે બોલી રહ્યા હતા, તો પોતે ભાષાની મર્યાદા ભૂલી ગયા.

બાબા રામદેવની જાણે જીભ લપસી અને તેમણે બોલી ઉઠ્યા કે 'મોટાભાગના કોંગ્રેસીઓ સમલૈસિંગ છે.' યોગ ગુરુએ પોતાના નિવેદનમાં જણાવ્યું કે 'લાગે છે મોટાભાગના કોંગ્રેસી નેતાઓ સમલૈંગિક છે, માટે તેઓ સજાતીય સંબંધોનું સમર્થન કરે છે.'

જ્યારે આમ આદમી પાર્ટી અંગે પૂછતા બાબા પોતાની જીભ પર કાબૂ મેળવી શક્યા નહીં, તેમણે આપને પણ આડા હાથે લેતા જણાવ્યું કે બે ચાર ઝાડું લગાવનાર લોકોની જરૂરીયાત સંસદમાં પણ હોય છે. અને તેઓ ખૂબ જ પ્રયત્નો અને મહેનત કરશે અને બે ત્રણ લોકો ત્યાં પહોંચી પણ જશે.

અત્રે ઉલ્લેખનીય છે કે હાલમાં જ સુપ્રીમ કોર્ટે 2009માં આપેલા હાઇકોર્ટના નિર્ણયને સુપ્રીમ કોર્ટે રદીયો આપી દીધો હતો અને સમલૈંગિકતાને ગૂના હેઠળ લાવી દીધું હતું. ત્યારબાદથી આ મુદ્દા પર દેશમાં ભારે ચર્ચા થઇ રહી છે. સુપ્રીમ કોર્ટના નિર્ણયને સોનિયા ગાંધી, રાહુલ ગાંધી સહીત કોંગ્રેસના ઘણા નેતાઓએ નિરાશાજનક બતાવ્યું હતું.

English summary

Baba Ramdev now thinks that most Congress leaders seem to be gays since they are supporting gay rights.