સિટી ઑફ જોયમાં મહિલાઓ સિંદૂરથી રમી, જુઓ તસવીરો...
દેશભરમાં મહાનવમી ધામધૂમથી મનાવવામાં આવી. આ દરમિયાન દેશભરમાં અલગ અલગ જગ્યાઓએ પૂરા ઉત્સાહ સાથે દુર્ગા પૂજાનુ આયોજન કરવામાં આવ્યુ હતુ. પરંતુ જ્યારે વાત આવે ત્યારે સિટી ઑફ જોયની ત્યારે આપણી આંખોમાં કોલકત્તા વસી જાય છે. અહીં ખુશીઓ હોય છે, ખુશીઓમાં રંગો હોય છે, રંગોમાં ઉત્સાહ હોય છે અને એ રંગોમાં સૌનો પ્રેમ ભળેલો હોય છે.
આ જ પળોને જીવવા માટે દેશભરમાંથી ઘણા લોકો કોલકત્તા પહોંચે છે અને આ પળોને માણે છે.
બંગાળમાં બે મહિના પહેલાથી જ દુર્ગા પૂજાની તૈયારીઓ શરુ થઇ જાય છે. કોલકત્તાના એક છેડેથી બીજા છેડા સુધી દુર્ગા પૂજાનો રંગ હવામાં વહેતો હોય છે.
ઉત્તરી કોલકત્તાથી દક્ષિણ કોલકત્તા સુધી દરેક છેડા સુધી આવા જ દ્રશ્યો જોવા મળે છે. નાકતલાથી બેહાલા, બાગ બજાર, શ્યામ બજાર દરેક જગ્યાએ પંડાલ સજાવેલા હોય છે. લાખોની સંખ્યામાં લોકો અહીં પૂજા અર્ચના કરવા આવે છે.
કોલકત્તામાં સિંદૂર ખેલાની પણ પરંપરા છે. વિજયાદશમીના દિવસે કાલી મંદિરમાં મહિલાઓ સિંદૂરથી રમી, જેની તસવીરો જોતા તેની ભવ્યતા માપી શકાય છે.
આ સિંદૂર ખેલાને જોઇને લાગે છે કે સિંદૂર ખેલાથી મહિલાઓના દુખ દૂર થઇ ગયા છે અને તેમને ખુશીઓ પ્રદાન કરી છે. આ પરંપરા જોવા લોકો આસપાસના રાજ્યોમાંથી પણ આવે છે.
પરિણીત સ્ત્રીઓ લાલ સાડી પહેરીને માથામાં સિંદૂર લગાવીને પંડાલોમાં પહોંચે છે અને મા દુર્ગાને ઉલૂ ધ્વની સાથે વિદાય આપે છે. એક્બીજાને ગુલાલ લગાવે છે અને સિંદૂરથી રમે છે.