• search
For Quick Alerts
ALLOW NOTIFICATIONS  
For Daily Alerts

આ છે દેશનું ભવિષ્ય, જે ખોરાકથી નહીં અશ્લીલ ફિલ્મોથી ભરે છે પેટ!

|

નવી દિલ્હી, 26 જૂન : એક અંધારા ગંદા ઓરડામાં માત્ર એક જ વસ્તુ દેખાય છે. ટેલિવિઝન સેટમાંથી નીકળતો બ્લૂ રંગનો પ્રકાશ અને તેની સામે બેઠેલા કિશોરો જે પડદા પર પોતાની નજરો ટકાવીને બેઠા છે. એ ઓરડામાંથી 'ઓહ' અને 'આહ'ની બૂમો સંભળાઇ રહી છે. પહેલી નજરમાં લાગે કે તેઓ કોઇ હિન્દી ફિલ્મ જોઇ રહ્યા છે, પરંતુ નજીકથી જોતા માલૂમ પડે છે કે અસલમાં તે એક અશ્લીલ ફિલ્મ જોવામાં મગ્ન છે.

આ કિશોરો ભાગેડું અથવા ગૂમ થયેલા છે જેમને દિલ્હીના ઘણા વિસ્તારોમાં ભીખ માંગતા અથવા કરો વીણતા જોઇ શકાય છે. આ બાળકોની વચ્ચે કામ કરનારા એનજીઓ અનુસાર આવા બાળકોમાંથી મોટાભાગના બાળકો અશ્લીલ ફિલ્મોથી અથવા વીડિયો ગેમ્સથી આકર્ષિત છે અને પોતાની મોટાભાગની કમાણી આવી વસ્તુઓ પાછળ જ ખર્ચી નાખે છે. આ વસ્તુઓ પ્રત્યે તેમનું આકર્ષણ એટલું બધું છે કે તેઓ ખાવાનું પણ ભૂલી જાય છે.

વિશાલ કુશવાહા નામના એક કચરો વીણનાર છોકરાએ આઇએનએસ સાથે વાતચીતમાં જણાવ્યું કે 'હું વીડિયો ગેમ્સ રમવા માટે કલાકો સુધી બેસી શકું છું અથવા ફિલ્મો જોઉ છું. હું આની માટે 50 રૂપિયા અથવા તેનાથી વધારે ખર્ચ કરું છું. માટે મેં બહાર ખાવાનું છોડી દીધું છે ચા અને બીડી જ લઉ છું.' 17 વર્ષિય કચરો વીણનાર આ કિશોર રોજ 150થી 200 રૂપિયા કમાય છે. કુશવાહાએ જણાવ્યું કે 'અમે એક ચા દુકાનમાં પીએ છી અને પિક્ચર જોઇએ છીએ. ત્યાં ટેલિવિઝન સેટ અને ડીવીડી પ્લેયર છે.'

કુશવાહાની સાથે અન્ય 12 કિશોરો દક્ષિણી દિલ્હીના સરાય કાલે ખાનમાં નિયમિતરીતે અશ્લીલ ફિલ્મ જુએ છે. પોતાની આ આદતથી જરાય પણ ખચકાયા કે શરમાયા વગર કુશવાહાએ જણાવ્યું કે 'તે દરરોજ બેથી ત્રણ અશ્લીલ ફિલ્મો જુએ છે.'

movie
પરંતુ એક જ કિશોરની આ કહાણી નથી. 13ના અંકિતનો પણ આ જ હાલ છે. એડલ્ટ ફિલ્મોની દુનિયા સાથે તેનો સંપર્ક ત્યારે થયો જ્યારે તે માત્ર 10 વર્ષનો હતો. તેનાથી માત્ર બે વર્ષ મોટા યુવકે તેને એડલ્ટ ફિલ્મ પહેલીવાર બતાવી. અંકિતે 'આઇએનએસને જણાવ્યું કે મારા મિત્રએ મને આ અંગેની જાણકારી આપી.'

હવે હું દર અઠવાડિએ અશ્લીલ ક્લિપ જોઉં છું. પોતાના મોબાઇલ પર ક્લિપ ડાઉનલોડ કરવા માટે અમે લખભગ 80 રૂપિયાનો ખર્ચ કરીએ છીએ. અમારા માટે ભોજન વધારે મહત્વ નથી રાખતું.'

- પ્રતિભા રાજુ, આઇએનએસ

English summary
In a dark and dingy room, the only thing visible is the blue flickering light from a television set as a dozen-odd boys, teens and below, watch with eyes riveted on the screen. "Ohs" and "ahs" are heard on occasion. At first it seems they are watching a Hindi film, but a closer look reveals they are hooked on to a porn movie.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more