4 કલાકની અંદર જ ભૂકંપનો બીજો ઝાટકો, 3.2 તીવ્રતા

ભારતની રાજધાની દિલ્હી, તેની આસપાસના વિસ્તારમાં ભૂંકપના તીવ્ર આંચકા બાદ હરિયાણામાં ભૂકંપના આંચકા અનુભવાયા.

Updated: Friday, June 2, 2017, 10:05 [IST]

રાજધાની દિલ્હી અને એનસીઆરમાં શુક્રવારે સવારે 4.26 મિનિટે ભૂકંપના જોરદાર આંચકા લોકોએ અનુભવ્યા. આ આંચકા એટલા જોરદાર હતા કે લોકો ઘરની બહાર આવી ગયા હતા. જાણકારી મુજબ હરિયાણા અને પશ્ચિમી ઉત્તર પ્રદેશના કેટલાક વિસ્તારોમાં પણ ભૂકંપના આ આંચકા અનુભવાયા છે. એએનઆઇ પરથી મળતી માહિતી મુજબ આ ભૂંકપ ખાલી 4.7 રિચર્સ સ્કેલનો જ હતો. પણ તેની તીવ્રતા એટલી જોરદાર હતી કે લોકો અડધી ઊંધમાંથી સફાળા જાગીને ભાગ્યા હતા.

ભૂંકપનું કેન્દ્ર બિંદુ હરિયાણાના ખરખૌદામાં જમીનથી 10 કિમી નીચે હોવાનું જાણવા મળ્યું છે. ભૂકંપના આ આંચકાથી અડધું દિલ્હી વહેલી સવારે જાગી રસ્તા પર આવી ગયું હતું. જો કે હજી સુધી કોઇ જાનહાનિ કે કોઇ ઇમારતના નુક્શાનના ખબર નથી આવ્યા. પણ ભૂંકપના આ આંચકાએ સવાર સવારમાં લોકોને ડરાવી મૂક્યા હતા.

ચાર કલાકની અંદર વધુ એક ઝાટકો

ચાર કલાકની અંદર જ સવારે 8.13 કલાકે ફરી એકવાર હરિયાણાના રોહતકમાં ભૂકંપના આંચકા અનુભવાયા હતા. 3.2ની તીવ્રતાના આ ભૂકંપમાં કોઇ જાનહાનિના સમાચાર આવ્યા નથી.