બાળક ચોર સમજી ભીડે મહિલાને ઝાડ સાથે બાંધીને ઢોર માર મારી

ઉત્તરપ્રદેશમાં અફવાઓનું બજાર ગરમ છે. અહીં બાળક ચોરની અફવાઓ હવે યુપી પોલીસ માટે માથાનો દુખાવો બની રહી છે. છેલ્લો કિસ્સો ગોંડાનો છે. અહીં, ગ્રામજનોએ એક મહિલાને બાળક ચોર સમજીને ઝાડ સાથે બાંધીને નિર્દયતાથી માર માર્યો હતો. આ દરમિયાન ગ્રામજનોએ મહિલાને માર મારવાનો વીડિયો પણ બનાવ્યો હતો અને સોશિયલ મીડિયા પર વાયરલ થયો. આ વીડિયો સોશિયલ મીડિયા પર વાયરલ થતાં પોલીસ વિભાગમાં ખળભળાટ મચી ગયો.

મળતી માહિતી મુજબ, આ કેસ નવાબગંજ પોલીસ સ્ટેશન વિસ્તારના મજરા ભાઈલાલ પૂર્વા ગામનો છે. અહીં ગામ લોકોએ શેરડીના ખેતરમાં છુપાયેલી એક મહિલાને પકડી હતી. તેના પર બાળક ચોરી કર્યાની શંકા વ્યક્ત કરતા ગામના લોકોએ તેને ઝાડ સાથે બાંધી દીધી. પોલીસનું કહેવું છે કે મહિલા ક્યારેક તેનું નામ રુબીના અને ક્યારેક સફિના કહી રહી છે. ગામનું નામ પણ બરાબર કહી શકી નહીં. તેની અટકાયત કરી તપાસ હાથ ધરી છે. ગામના લોકોએ જણાવ્યું હતું કે, વિસ્તારમાં થોડા દિવસોથી બાળક ચોરીની અફવાઓ ઉડી રહી છે પરંતુ તેની પુષ્ટિ થઈ નથી. આ અફવાને કારણે મહિલાને પકડી લેવામાં આવી છે.

આ સમગ્ર મામલામાં, એએસપી મહેન્દ્રકુમારે જણાવ્યું હતું કે રહેલી ગામની એક મહિલાને ગામ લોકોએ બાળ ચોર તરીકે પકડી હતી. પોલીસ આ બાબતે માહિતી મળતા પહોંચી હતી અને મહિલાને ગામ લોકોથી બચાવી હતી અને પોલીસ સ્ટેશન લઈ આવી હતી. તપાસ બાદ મહિલાની ઓળખ તલાકશુદા ફૂલજહાં તરીકે થઈ હતી. તેનું પિયર આ પોલીસ સ્ટેશન વિસ્તારના શાહપુરમાં છે. તેણે કહ્યું કે મહિલાની માનસિક સ્થિતિ સારી નથી. તેને તેના પિતાને સોંપી દેવામાં આવી હતી. એએસપીએ જણાવ્યું હતું કે મહિલાના પિતાની ફરિયાદ પર 9 લોકો વિરુદ્ધ કેસ નોંધીને તમામ આરોપીઓને જેલ મોકલી દેવાયા છે.

English summary

suspicion of child theft, A woman was tied to a tree and brutally beaten