શાહીન બાગમાં ફાયરિંગનો આરોપી કપિલ આપનો સભ્ય, ફોટાના આધારે પોલિસનો દાવો

એક ફેબ્રુઆરીના રોજ દિલ્લીના શાહીન બાગ વિસ્તારમાં ફાયરિંગ કરવાના આરોપી કપિલ ગુજ્જર ઉર્ફે કપિલ બેંસલાના મોબાઈલ ફોનમાંથી ઘણા મહત્વના પુરાવા મળ્યા છે. તેના ફોનની તપાસ બાદ જે ફોટા રિકવર થયા છે, પોલિસના જણાવ્યા મુજબ તેનાથી સાબિત થાય છે કે તેને આમ આદમી પાર્ટીના મોટા નેતાઓએ પાર્ટીમાં શામેલ કરાવ્યો હતો. દિલ્લી ક્રાઈમ બ્રાંચે પણ કહ્યુ છે કે પ્રારંભિક પૂછપરછમાં તેણે ખુદ એક વર્ષ પહેલા પિતા સાથે આમ આદમી પાર્ટીમાં શામેલ થવાની વાત કબૂલી છે. પછી જ્યારે તેના ફોનમાંથી ડિલીટ કરાયેલ ફોટાને રિકવર કરવામાં આવ્યા તો તેમાં તેની વાત સંપૂર્ણપણે સાબિત થઈ રહી છે કે તેણે આમ આદમી પાર્ટીના મોટા નેતાઓની હાજરમાં આમ આદમી પાર્ટીનુ સભ્યપદ લીધુ હતુ.

શાહીન બાગ ફાયરિંગનો આરોપી આપનો સભ્ય

મીડિયાને જે કપિલ ગુજ્જરના ફોનમાંથી જે ફોટા મળ્યા છે તેમાં શાહીન બાગમાં પ્રદર્શન સ્થળ પાસે ફાયરિંગનો આરોપી આમ આદમી પાર્ટીના મોટા નેતાઓ એટલે કે રાજ્યસભા સાંસદ સંજય સિંહ અને કાલકાજીમાંથી પાર્ટી ઉમેદવાર આતિષી સાથે જોવા મળી રહ્યો છે. તેણે પોલિસને પૂછપરછમાં જણાવ્યુ છે કે તે એક વર્ષ પહેલા જ પોતાના પિતા ઉપરાંત ઘણા બીજા લોકો સાથે મ આદમી પાર્ટીનો સભ્ય બન્યો હતો. દિલ્લી પોલિસે પ્રારંભિક તપાસ બાદઆ કેસ દિલ્લી પોલિસની ક્રાઈમ બ્રાંચને સોંપી દીધો હતો. પોલિસના દાવા મુજબ આ ફોટા એ સમયના છે જ્યારે તેણે 2019માં પાર્ટીનુ સભ્યપદ લીધુ હતુ. પોલિસ આ કેસમાં આગળની તપાસ કરી રહી છે.

Sources: The Crime Branch has found certain pictures on the mobile phone of Kapil Gujjar, who opened fire in Shaheen Bagh area on February 1. In these pictures, Kapil can be seen with AAP leaders such as Atishi and Sanjay Singh. pic.twitter.com/BKXifhTE7K

— ANI (@ANI) February 4, 2020

એક વર્ષ પહેલા સભ્યપદ લેવાનો દાવો

ઉલ્લેખનીય છે કે દિલ્લીના દલ્લુપુરા વિસ્તારના આરોપીએ શાહીન બાગ વિસ્તારમાં ફાયરિંગ કરીને જયશ્રીરામના નારા પણ લગાવ્યા હતા. તેણે એ પણ કહ્યુ હતુ કે અહીં હવે માત્ર હિંદુઓની ચાલશે. આ ઘટના બાદ આમ આદમી પાર્ટી અને તેના સુપ્રીમોએ ગૃહમંત્રી અમિત શાહને દિલ્લીના કાયદો-વ્યવસ્થા માટે ઘેરવાની કોશિશ કરી હતી. કેજરીવાલે ટ્વિટ કરીને લખ્યુ હતુ, ‘અમિત શાહજી, આ તે શું હાલ બનાવીને રાખ્યા છે દીલ્લીના. ધોળે દિવસે ગોળીઓ ચાલી રહી છે.' હવે આરોપીનો આવો ફોટો સામે આવ્યા બાદ દિલ્લીનુ રાજકારણ નવેસરથી ગરમાવાની સંભાવના છે. કારણકે અત્યારે શાહીન બાગ જ મુખ્ય મુદ્દો બનેલો છે. જો કે આમ આદમી પાર્ટીએ કપિલ ગુજ્જરના આમ આદમી પાર્ટીના સભ્ય હોવાના દાવાનુ ખંડન કર્યુ છે. પરંતુ જે રીતે ફોટા મળ્યા છે. તેનાથી ભાજપ તેને ઘેરવાનો કોઈ મોકો નહિ છોડે.

#WATCH Rajesh Deo, DCP Crime Branch: In our initial investigation we found some photos from Kapil's phone that establish & he has already disclosed that he & his father joined AAP a year ago. We have taken his 2 days remand. pic.twitter.com/Z78sgdOGPn

— ANI (@ANI) February 4, 2020

હવે ષડયંત્રની તપાસ કરી રહ્યા છેઃ ડીસીપી

દિલ્લી પોલિસની ક્રાઈમ બ્રાંચના ડીસીપી રાજેશ દેવે પણ તેના ફોનમાંથી મળેલા ફોટાની પુષ્ટિ કરી છે અને કહ્યુ છે કે તેનાથી પૂછપરછમાં તેણે જે પણ જણાવ્યુ હતુ, તે વાત સાચી સાબિત થાય છે. દિલ્લી પોલિસે તે બીજા બે દિવસના રિમાન્ડ પર લીધો છે અને આ કેસમા ષડયંત્રની તપાસમાં લાગેલી છે. ડીસીપીએ જણાવ્યુ કે આ કેસમાં તેણે અત્યાર સુધી પ્રદર્શન સ્થળ સુધી આરોપીના પહોંચવાનો રસ્તો, ઘટના માટે ઉપયોગમાં લેવાયેલી બાઈક અને હથિયાર જપ્ત કરી લીધા છે.

Sources: Kapil can be seen joining the Aam Aadmi Party (AAP), a year ago in the pictures that have been recovered from his phone. Kapil had joined AAP along with his father and several others. https://t.co/8G84bkRyiJ pic.twitter.com/9QJLhulkT3

— ANI (@ANI) February 4, 2020

કપિલે હવામાં કર્યુ હતુ ફાયરિંગ

ઉલ્લેખનીય છે કે કપિલ ગુજ્જરે શાહીન બાગમાં હવામાં ફાયરિંગ કરીને સનસની મચાવી દીધી હતી. જો કે આ ઘટનામાં કોઈ ખઘાયલ થયુ નહોતુ. હવે આ વાત સામે આવી રહી છે કે તે દિલ્લીની સત્તાધારી દળથી જ કથિત રીતે જોડાયેલો રહ્યો છે. જ્યારે આ પહેલા આસપાસની જ એક અલગ ઘટનામાં એક આરોપીની પિસ્તોલ લહેરાવતો વીડોય રેકોર્ડ થયો હતો અને તેની ગોળીથી જામિયાનો એક પ્રદર્શનકારી છાત્ર ઘાયલ પણ થયો હતો. બાદમાં તે આરોપી સગીર નીકળ્યો હતો. તે ઘટના જામિયા વિસ્તારની હતી. આ ઘટનાઓ બાદ ચૂંટણી પંચે પણ કડક પગલા લઈને દક્ષિણ-પૂર્વ દિલ્લીના ડીસીપી ચિન્મય બિસ્વાલને ત્યાંથી હટાવી દીધા હતા.

English summary

The accused Kapil Gujjar of firing in Shaheen Bagh is a member of AAP-Police