બનેવીની જીતની ખુશીમાં નાચતા સાળાએ ગુમાવ્યો જીવ
પંચાયત ચૂંટણીના સાતમા તબક્કાના પરિણામમાં નીરજ કુમારે રામપુર ફરીદપુરથી સરદાર પર જીત મેળવી હતી.
બિહારના પાટનગર પટનાના ફુલવારીશરીફ બ્લોકમાં પંચાયત ચૂંટણીમાં જીતની ઉજવણી કરતી વખતે એક અકસ્માત સર્જાયો હતો, જેમાં એક યુવકનું મોત થયું હતું. પંચાયત ચૂંટણીના સાતમા તબક્કાના પરિણામમાં નીરજ કુમારે રામપુર ફરીદપુરથી સરદાર પર જીત મેળવી હતી.
અચાનક એક ઝડપભેર આવતા ટ્રકે તેને કચડી નાખ્યો
આ જીતની ઉજવણીમાં નીરજ કુમારના એકમાત્ર સાળા 25 વર્ષીય સતીશ કુમારે ફરીદપુર ગામમાં વચ્ચેના રસ્તા પર ડીજે વગાડીને ડાન્સ કરવાનું શરૂ કર્યું હતું, ત્યારે અચાનક એક ઝડપભેર આવતા ટ્રકે તેને કચડી નાખ્યો હતો. ઘટના બાદ સમગ્ર વિસ્તારમાં ચકચાર મચી ગઈ હતી.
લોકોને સમજાવ્યા બાદ મામલો થાળે પાડ્યો
આ અકસ્માત બાદ ટ્રક ચાલક ભાગવા લાગ્યો હતો, પરંતુ આ ઘટનાથી ગુસ્સે ભરાયેલા લોકોએ તેનો પીછો કર્યો અને પછી તેને જોરદાર માર માર્યો હતો. ગામના લોકોએ નૌબતપુર શિવાલા મુખ્ય માર્ગને બ્લોક કરી દીધો હતો. લોકોએ માંગ કરી હતી કે, વહીવટી તંત્ર યોગ્ય વળતર આપે. ઘટનાની જાણ થતાં પોલીસ ઘટનાસ્થળે પહોંચી હતી અને લોકોને સમજાવ્યા બાદ મામલો થાળે પાડ્યો હતો.
બિહારમાં પંચાયતની ચૂંટણીના સાતમા તબક્કાની મતગણતરી ચાલી
જાનીપુર પોલીસ સ્ટેશનના ઈન્ચાર્જે જણાવ્યું કે, લોકો સાથે વાતચીત ચાલી રહી છે. આરોપી ડ્રાઈવરની ધરપકડ કરવામાં આવી છે. આ અંગે આગળની કાર્યવાહી હાથ ધરવામાં આવી રહી છે. ગામલોકોનું કહેવું છે કે, ગામની વચ્ચેથી રસ્તો પસાર થતો હોવા છતાં અહીં વાહનચાલકો ખૂબ જ ઝડપે વાહન ચલાવે છે. જેના કારણે દરરોજ અકસ્માતો સર્જાય છે. ઉલ્લેખનીય છે કે, આજે બિહારમાં પંચાયતની ચૂંટણીના સાતમા તબક્કાની મતગણતરી ચાલી રહી છે.
1 લાખ 8 હજાર 61 ઉમેદવારો મેદાનમાં
સાતમા તબક્કામાં કુલ પોસ્ટની સંખ્યા 27 હજાર 730 છે. જેમાં ગ્રામ પંચાયત સભ્યની જગ્યાઓની સંખ્યા 12 હજાર 272, ગ્રામ પંચાયતના સરપંચની 904 જગ્યાઓ, પંચાયત સમિતિના સભ્યની 1245, જિલ્લા પરિષદના સભ્યની 135 જગ્યાઓ, ગ્રામ કચેરી સરપંચની 904 જગ્યાઓ અને ગ્રામ પંચાયતની 12 હજાર 272 જગ્યાઓનું પરિણમ આવવાનું છે. રાજ્ય ચૂંટણી પંચના જણાવ્યા અનુસાર 1 લાખ 8 હજાર 61 ઉમેદવારો મેદાનમાં છે. જેમાં પુરૂષ ઉમેદવારોની સંખ્યા 47 હજાર 714 અને મહિલા ઉમેદવારોની સંખ્યા 54 હજાર 270 છે. હાલ મતગણતરી ચાલી રહી છે અને ઘણી બેઠકોમાં હાર જીત નક્કી થઇ ગઇ છે, તો અમુક ઉમેદવારો પોતાની હારજીતના પરિણામોની રાહ જોઇ રહ્યા છે.