આજની હેટ્રિકે 2024ની હેટ્રિકની ગેરેન્ટી આપી દીધીઃ મોદી

આજે ચાર રાજ્યોમાં વિધાનસભા ચૂંટણીના પરિણામ સામે આવ્યાં છે, જેમાંથી ત્રણ રાજ્ય રાજસ્થાન, મધ્ય પ્રદેશ, છત્તીસગઢમાં ભાજપની પ્રચંડ જીત થઈ છે. આ જીતથી ભારતીય જનતા પાર્ટીના હોસલા બુલંદ થયા છે. પાર્ટીની જબરદસ્ત જીત બાદ વડાપ્રધાન નરેન્દ્ર મોદી દિલ્હી સ્થિત ભારતીય જનતા પાર્ટીના મુખ્યાલ પહોંચ્યા છે.

અહીં પીએમ મોદીએ પાર્ટી કાર્યકર્તાઓને સંબોધિત કરતા કહ્યું કે કેટલાક લોકો તો કહી રહ્યા છે કે આજની આ હેટ્રિકે 2024ની હેટ્રિકની ગેરેન્ટી આપી દીધી છે. પીએમ મોદીએ ભરોસો જતાવ્યો છે કે 2024માં પણ ભાજપને લોકસભા ચૂંટણીમાં જીત મળશે.

પીએમ મોદીએ કહ્યું કે તમિલનાડુ, પોંડિચેરી, ઓરિસ્સા અને ખાસ કરીને આંધ્ર પ્રદેશના ભાજપના કાર્યકર્તાઓને પણ હું કહીશ કે રાજ્ય સરકાર ભલે ગમે તે દળની હોય, તમે સંપૂર્ણ શક્તિ સાથે રાહત અને બચાવ કાર્યમાં લાગી જાઓ. એજ એક સમર્પિત ભારતીય જનતા પાર્ટીના કાર્યકરના સંસ્કાર હોય છે. આપણા માટે દળથી મોટો દેશ છે, દેશવાસી છે.

વધુમાં તેમણે કહ્યું, "હું ભાજપ કાર્યકર્તાઓને કહીશ- પ્રત્યેક ભાજપનો કાર્યકર્તા, નમો એપ પર જાય અને ઓછામાં ઓછા 10 લોકોને વિકસિત ભારતનો એમ્બેસેડર બનાવે. આપણે આજે એક એવી પેઢી તૈયાર કરવી છે, જેનું સપનું વિકસિત ભારત, જેનો સંકલ્પ વિકસિત ભારત હોય."

લોકતંત્રના હિતમાં કોંગ્રેસ અને તેના સાથીઓને મારી વધુ એક સલાહ છે. કૃપયા કરીને દેશવિરોધી હોય, જે દેશના ભાગલા પાડે, દેશને કમજોર કરવાનું કામ કરે તેવી રાજનીતિ ના કરો. આજના પરિણામો આવા પક્ષો માટે બોધપાઠ છે કે તેમણે કેન્દ્ર સરકારની ગરીબ કલ્યાણ યોજનાઓ અને તેમના માટે મોકલવામાં આવતા ભંડોળ વચ્ચે આવવું જોઈએ નહીં. નહીં તો જનતા તમને ઉખાડી ફેંકશે.

આ ચૂંટણી પરિણામો કોંગ્રેસ અને તેના ઘમંડી ગઠબંધન માટે પણ મોટો પાઠ છે. બોધપાઠ એ છે કે માત્ર પરિવારના કેટલાક સભ્યો સ્ટેજ પર ભેગા થઈને દેશનો વિશ્વાસ જીતી શકતા નથી. દેશની જનતાના દિલ જીતવા માટે જે રાષ્ટ્ર સેવાની ભાવના હોવી જોઈએ તે ઘમંડી ગઠબંધનમાં નથી.

વિધાનસભા ચૂંટણીના પરિણામોએ સકારાત્મક ઉર્જાનો પ્રવાહ શરૂ કર્યો છે, જે આજે સમગ્ર દેશ અનુભવી રહ્યો છે. આ શક્તિએ વિકસિત ભારત માટે તૈયાર કરેલા પાયાને વધુ મજબૂત બનાવ્યો છે. મોદી દ્વારા આપવામાં આવેલ વાહન દેશની સફળતાની ગેરંટી આપશે, આ પણ મોદીની ગેરંટી છે. તમારે બીજી એક વાત યાદ રાખવાની છે - જ્યાં બીજાની આશા પૂરી થાય છે, ત્યાંથી મોદીની ગેરંટી શરૂ થાય છે.

જ્યાં બીજા પાસેથી આશા પૂરી થાય છે ત્યાંથી મોદીની ગેરંટી શરૂ થાય છે. વિધાનસભા ચૂંટણીના પરિણામોએ એવી સકારાત્મક ઉર્જાનો પ્રવાહ શરૂ કર્યો છે જે આજે સમગ્ર દેશ અનુભવી રહ્યો છે. આ શક્તિએ વિકસિત ભારત માટે તૈયાર કરેલા પાયાને વધુ મજબૂત બનાવ્યો છે. આપણે આ ઉર્જા જાળવી રાખવાની છે, આપણે 140 કરોડ ભારતીયોના વિશ્વાસને જીવંત રાખવાનો છે.

English summary

Today's hat-trick guarantees 2024 hat-trick: Modi on winning 3 states