આંધ્ર પ્રદેશઃ હિંદુસ્તાન શિપયાર્ડ લિમિટેડમાં દર્દનાક અકસ્માત, ક્રેન પડવાથી 10ના મોત

આંધ્ર પ્રદેશના વિશાખાપટ્ટનમમાં હિંદુસ્તાન શિપયાર્ડ લિમિટેડમાં એક વિશાળકાય ક્રેન પડી જવાથી મોટી દૂર્ઘટના બની ગઈ છે. ન્યૂઝ એજન્સી એએનઆઈના રિપોર્ટ અનુસાર આ ઘટનામાં અત્યાર સુધી 10 લોકોના મોત થઈ ચૂક્યા છે જ્યારે એક કર્મચારી ગંભીર રીતે ઘાયલ થયો છે. ડીસીપી સુરેશ બાબુએ આ વાતની પુષ્ટિ કરી છે. ઘટના સાથે જોડાયેલ એક વીડિયો સોશિયલ મીડિયામાં સામે આવ્યો છે જેમાં ક્રેને પડતી જોઈ શકાય છે.

અત્યાર સુધી મળેલી માહિતી અનુસાર ઘાયલ કર્મચારીને હોસ્પિટલમાં લઈ જવામાં આવ્યા છે જ્યાં તેમનો ઈલાજ કરવામાં આવી રહ્યો છે. વળી, બધા 10 લોકોના મોત ક્રેન પડવાથી થયા છે. સામે આવેલા વીડિયોમાં જોઈ શકાય છે કે ક્રેનની ઉંચાઈ લગભગ દસ માળની છે અને જે સમયે તે પડે છે લોકો ત્યાંથી ભાગતા જોઈ શકાય છે. ક્રેનનુ બેલેન્સ કેવી રીતે બગડ્યુ એ અંગેની માહિતી નથી. ઘટના સ્થળેથી મૃતદેહોને બહાર કાઢવાનુ કામ ચાલુ છે.

#WATCH A crane collapses at Hindustan Shipyard Limited in Visakhapatnam, Andhra Pradesh. 10 dead and 1 injured in the incident, says DCP Suresh Babu. pic.twitter.com/BOuz1PdJu3

— ANI (@ANI) August 1, 2020

English summary

Tragic accident at Hindustan Shipyard Limited in Andhra Pradesh, 10 killed after giant crane collapses.