ત્રિપુરામાં 60 વિધાનસભા બેઠકો માટે વોટિંગ જારી

અગરતલા, 14 ફેબ્રુઆરી: ત્રિપુરામાં આજે વિધાનસભાની 60 બેઠકો માટે મતદાન ચાલી રહ્યું છે. 8 જિલ્લાની 60 બેઠકો પર 239 ઉમેદવાર ચૂંટણી લડી રહ્યા છે. ચૂંટણી પરિણામ 28 ફેબ્રુઆરીના રોજ આવશે. છેલ્લા ત્રણ વખતથી ત્રિપુરામાં માણિક સરકારના નેતૃત્વમાં ડાબેરીઓની સરકાર બની રહી છે.

આખા રાજ્યમાં સવારે સાત વાગ્યે મતદાન શરૂ થયા પહેલા જ મતદાન કેન્દ્રોની બહાર મહિલાઓ અને પુરુષોની લાઇન લાગી ગઇ હતી. મતદાતાઓ પોતાના મતદાનનો ઉપયોગ સાંજે ચાર વાગ્યા સુધી કરી શકશે.

રાજ્યમાં કુલ 23,55,446 મતદાતાઓ છે, જેમાંથી 50 ટકા સંખ્યા મહિલા મતદાતાઓની છે. ચૂંટણીમાં 15 મહિલાઓ સહિત 239 ઉમેદવારોનું ભવિષ્ય ઇવીએમ મશિનમાં કેદ થશે. જેમાં ઘણા અપક્ષ ઉમેદવારોનો પણ સમાવેશ થાય છે.

રાજ્યમાં મુખ્ય મુકાબલો ડાબેરી અને કોંગ્રેસની વચ્ચે છે. ડાબેરીઓની મુખ્ય પાર્ટી માકપા 55 બેઠક પર, આરએસપી બે પર, ભાકપા બે પર તથા ફોરવર્ડ બ્લોક એક સીટ પર ચૂંટણી લડી રહ્યા છે.

કોંગ્રેસે 48 બેઠક પર પોતાના ઉમેદવાર ઉતાર્યા છે અને તેની ગઠબંધન સહયોગી આઇએનપીટીએ 11 પર તથા નેશનલ કોંફ્રેન્સ ઓફ ત્રિપુરાએ એક બેઠક પર પોતાના ઉમેદવારને ઉભો કર્યો છે.

English summary

Tripura assembly election 2013, voting underway for 60 seat.