UP Assembly Election : મતદાન મથકથી 10 મીટર દૂર વિસ્ફોટમાં 1 વ્યક્તિનું મોત, 1 ઘાયલ
ઉત્તર પ્રદેશના પ્રયાગરાજ જિલ્લાના કારેલી પોલીસ સ્ટેશન વિસ્તારના એક મતદાન મથકથી માત્ર 10 મીટર દૂર બ્લાસ્ટ થયો હોવાના અહેવાલ છે. આ ઘટનામાં એક યુવકનું મોત થયું છે, જ્યારે 1 અન્ય ઘાયલ હોવાની માહિતી મળી રહી છે.
UP Assembly Election : ઉત્તર પ્રદેશના પ્રયાગરાજ જિલ્લાના કારેલી પોલીસ સ્ટેશન વિસ્તારના એક મતદાન મથકથી માત્ર 10 મીટર દૂર બ્લાસ્ટ થયો હોવાના અહેવાલ છે. આ ઘટનામાં એક યુવકનું મોત થયું છે, જ્યારે 1 અન્ય ઘાયલ હોવાની માહિતી મળી રહી છે. પોલીસે ઘટનાની તપાસ શરૂ કરી છે.
ઉત્તર પ્રદેશ વિધાનસભા ચૂંટણીના પાંચમા તબક્કા દરમિયાન પ્રયાગરાજ મતદાન મથકથી 10 મીટરના અંતરે થયેલા બોમ્બ વિસ્ફોટથી ખળભળાટ મચી ગયો હતો. આમાં બે લોકો ઘાયલ થયા હતા, જેમાં એક વ્યક્તિનું મોત થયું હતું અને એક ઘાયલ થયો હતો. તે જ સમયે, આ ઘટના બાદ ઉચ્ચ પોલીસ અધિકારીઓ સહિત મોટી સંખ્યામાં ફોર્સ ઘટનાસ્થળે પહોંચી ગયો હતો. સમગ્ર મામલો પ્રયાગરાજના કારેલી પોલીસ સ્ટેશન વિસ્તારનો છે.
મીડિયા રિપોર્ટ્સ અનુસાર, ADG પ્રયાગરાજ ઝોન પ્રેમ પ્રકાશે જણાવ્યું કે, કોરાંના રહેવાસી સંજય કોલ અને અર્જુન કોલ સાઇકલ પર જઇ રહ્યા હતા, આ દરમિયાન સાઇકલ પડી જતાં વિસ્ફોટકો ફૂટ્યો હતો. તેમણે જણાવ્યું કે, આ ઘટનામાં અર્જુનના પુત્ર બાબુલાલનું મોત થયું છે. ત્યાં સંજય ઘાયલ છે. જેમને હોસ્પિટલમાં દાખલ કરવામાં આવ્યા છે. એડીજી પ્રયાગરાજ ઝોન પ્રેમ પ્રકાશે કહ્યું કે, પોલીસની પૂછપરછમાં ખબર પડશે કે, તેમનો હેતુ શું હતો. પોલીસે જણાવ્યું કે, મૃતક અને ઈજાગ્રસ્તો પિતરાઈ ભાઈ છે.
Click it and Unblock the Notifications
Sign in with Google
