UP: અયોધ્યામાં રામ મંદિરમાં કોતરવામાં આવશે 3600 મૂર્તિઓ, દેખાશે હિંદુ શાસ્ત્રની ભવ્ય ઝલક
Ram Temple: અયોધ્યામાં ભવ્ય રામ મંદિરના નિર્માણનું કામ પૂરજોશમાં ચાલી રહ્યું છે. આ મંદિરને દરેક રીતે ભવ્ય બનાવવાની તૈયારીઓ કરવામાં આવી રહી છે, તેમાં સનાતન ધર્મના મૂલ્યોનો સમાવેશ કરવા માટે દરેક શક્ય પ્રયાસ કરવામાં આવી રહ્યા છે.
આ ક્રમમાં અહીંના પથ્થરો પર 3600 મૂર્તિઓ કોતરવામાં આવશે. શ્રી રામ જન્મભૂમિ તીર્થ ક્ષેત્ર ટ્રસ્ટે ગુરુવારે એક ફોટો શેર કરીને કહ્યું કે મંદિરમાં 3600 મૂર્તિઓ સ્થાપિત કરવામાં આવશે જે હિંદુ ધર્મગ્રંથો પર આધારિત હશે. આ મંદિરમાં ભગવાન રામ લાલાની મૂર્તિઓ સિવાય આ 3600 મૂર્તિઓ સ્થાપિત કરવામાં આવશે.
શ્રી રામ જન્મભૂમિ તીર્થ ક્ષેત્ર દ્વારા સોશિયલ મીડિયા પર તસવીરો સાથેની એક પોસ્ટ શેર કરવામાં આવી છે. જેમાં કહેવામાં આવ્યું છે કે શ્રી રામ જન્મભૂમિ મંદિરમાં સ્તંભો, પગથિયાં અને અન્ય સ્થાનો પર સુશોભિત કરવા માટે શાસ્ત્રીય ગ્રંથોમાં વર્ણવેલ કથાઓના આધારે સુંદર મૂર્તિઓ બનાવવામાં આવી રહી છે. આ મૂર્તિઓ બાંધકામ પ્રક્રિયાના સમયપત્રક મુજબ નિર્ધારિત સ્થળોએ સ્થાપિત કરવામાં આવશે.
જણાવી દઈએ કે રામ મંદિરના નિર્માણનું 50 ટકાથી વધુ કામ પૂર્ણ થઈ ગયું છે. સૂત્રોનું કહેવું છે કે આ વર્ષના અંત સુધીમાં મંદિરનું નિર્માણ કાર્ય લગભગ પૂર્ણ થઈ જશે. ભગવાન રામનું ભવ્ય સ્થળ ડિસેમ્બર 2023 સુધીમાં તૈયાર થઈ જશે. તે જાન્યુઆરી 2024માં મકરસંક્રાંતિના દિવસે ભક્તો માટે ખોલવામાં આવી શકે છે.
ભગવાન રામની મૂર્તિની વાત કરીએ તો, તે 51 ઇંચની હશે, તેને ભગવાન રામ માટે બનાવેલા પ્લેટફોર્મ પર સ્થાપિત કરવામાં આવશે. સૂત્રોનું માનીએ તો મંદિરનો વિસ્તાર 67 એકરથી વધારીને 110 એકર કરવામાં આવ્યો છે. જણાવી દઈએ કે આ મંદિર 1000 કરોડ રૂપિયાના ખર્ચે બની રહ્યું છે.
નોંધનીય છે કે આ મંદિરનો શિલાન્યાસ વડાપ્રધાન નરેન્દ્ર મોદીએ 5 ઓગસ્ટ 2020ના રોજ કર્યો હતો. પીએમ મોદીએ 5 ઓગસ્ટે આયોજિત ભવ્ય કાર્યક્રમમાં ભાગ લીધો હતો. આ મંદિરમાં એક મ્યુઝિયમ, ડિજિટલ આર્કાઇવ સેન્ટર અને રિસર્ચ સેન્ટર પણ હશે.
श्री राम जन्मभूमि मंदिर में स्तंभों, पीठिका तथा अन्य स्थानों पर सज्जित होने के लिए शास्त्रीय ग्रंथों में वर्णित कथाओं के आधार पर सुंदर मूर्तियों का निर्माण किया जा रहा है।
— Shri Ram Janmbhoomi Teerth Kshetra (@ShriRamTeerth) May 18, 2023
इन मूर्तियों को निर्माण प्रक्रिया की सारिणी के अनुसार निर्दिष्ट स्थानों पर प्रस्थापित किया जाएगा। pic.twitter.com/ukRqF58xyd
Click it and Unblock the Notifications
Sign in with Google
