ઉત્તરપ્રદેશ વિધાનસભાની વેબસાઈટ હેક, પોલીસ એક્શનમાં!
ઉત્તર પ્રદેશ વિધાનસભાની વેબસાઈટ હેક કરાયાના સમાચાર સામે આવ્યા છે. વેબસાઈટ હેક થઈ હોવાની માહિતી મળતા જ યુપી ડેસ્કોએ સાઈબર પોલીસ સ્ટેશનમાં એફઆઈઆર નોંધાવી છે.
ઉત્તર પ્રદેશ વિધાનસભાની વેબસાઈટ હેક કરાયાના સમાચાર સામે આવ્યા છે. વેબસાઈટ હેક થઈ હોવાની માહિતી મળતા જ યુપી ડેસ્કોએ સાઈબર પોલીસ સ્ટેશનમાં એફઆઈઆર નોંધાવી છે. મીડિયા રિપોર્ટ્સ અનુસાર, હેકરોએ વેબસાઇટ હેક કરી છે અને વાંધાજનક પોસ્ટ કરી છે. જો કે, વિધાનસભાની વેબસાઈટ પરથી કોઈ ડેટા ચોરાયો નથી.
સાયબર ક્રાઈમ પોલીસ સ્ટેશનના પ્રભારીના જણાવ્યા અનુસાર, લખનૌ ગ્રામીણમાં સૂચના પ્રાદ્યોગિક (સુધારો) અધિનિયમ 2008ની કલમ 66C હેઠળ કેસ નોંધીને તપાસ કરવામાં આવી રહી છે. યુપી ડેસ્કોના આસિસ્ટન્ટ મેનેજર રામશંકર સિંહના જણાવ્યા અનુસાર પોલીસને ફરિયાદ આપવામાં આવી છે. બીજી તરફ એડીજી સાયબર ક્રાઈમ રામ કુમારને આ બાબતની જાણ થતા તેમને ખુદ આ બાબતે ગંભીરતાથી પગલાં લેવાનું શરૂ કર્યું છે. સાઇબર ક્રાઇમ સ્ટેશનન પોલીસે દાવો કર્યો છે કે તે ટૂંક સમયમાં હેકરને પકડી પાડશે.
બીજી તરફ મીડિયાને માહિતી આપતી વખતે ડીજીપી મુકુલ ગોયલે કહ્યું કે વિધાનસભાની વેબસાઇટ હેક કરવામાં આવી નથી. વેબસાઇટ કરાર પર ખાનગી કંપની દ્વારા વિશ્વભરમાં ચલાવવામાં આવે છે. આ દરમિયાન, વેબસાઇટ પર એક જાહેરાતનું એક પેજ આવી ગયુ હતું. માત્ર ભારતમાં જ નહીં પણ નેપાળ અને યુરોપના અન્ય દેશોમાં જ્યાં આ વેબસાઇટની કંપની કામ કરે છે ત્યાં આ જાહેરાત તે બધા પર ગઈ હતી. આ મામલે એફઆઈઆર નોંધવામાં આવી છે અને કંપની સાથે વાત કર્યા બાદ તપાસ ચાલી રહી છે.