Video: ગંગોત્રી, ઔલી સહિત પહાડોમાં હિમવર્ષા, ઠંડીનો પ્રકોપ વધ્યો

ઉત્તરાખંડમાં અચાનક વાતાવરણે પલટો ખાધો છે. ગંગોત્રી, કેદારનાથ સહિત ઘણી જગ્યાએ હિમવર્ષા થઈ છે. જુઓ વીડિયો.

Uttarakhand Snowfall: ઉત્તરાખંડમાં હવામાને ફરીથી કરવટ બદલી છે. પહાડોમાં હિમવર્ષાના કારણે બરફની ચાદર પથરાઈ ગઈ છે. ઉચ્ચ હિમાલયી વિસ્તારોમાં ભારે હિમવર્ષા થઈ છે. ગંગોત્રી ધામમાં ભારે હિમવર્ષા થઈ જેના કારણે મંદિર પરિસર બરફથી ઢંકાઈ ગયુ છે.

ભારે હિમવર્ષા

ગંગોત્રી ધામમાં પહાડો બરફથી આચ્છાદિત જોવા મળી રહ્યા છે. આખા વિસ્તાર પર હિમવર્ષાના કારણે ચારે ચરફ બરફનો નઝારો જોવા મળી રહ્યો છે. આ ઉપરાંત ચમોલીના ઔલીમાં ગઈ રાતે ભારે હિમવર્ષા થઈ હતી. જોશીમઠના સુનીલ વૉર્ડમાં પણ ભારે હિમવર્ષા જોવા મળી છે.

#WATCH | Uttarakhand: Auli in Chamoli district received heavy snowfall last night. Crisis-hit Joshimath's Sunil ward also received snowfall. pic.twitter.com/4jPVLBOWoG

— ANI (@ANI) January 12, 2023

પહાડીઓ બરફની ચાદરથી ઢંકાઈ ગઈ

ઉત્તરાખંડમાં પહાડોથી લઈને મેદાન સુધીના બધા ક્ષેત્રોમાં હિમવર્ષાના કારણે ઠંડીનો પ્રકોપ ચાલુ છે. કેદારનાથ, બદ્રીનાથ, ગંગોત્રી, ઔલી સહિત ઘણા વિસ્તારોમાં હિમવર્ષથી ઠંડી વધી ગઈ છે. તમને જણાવી દઈએ કે બદરીનાથ અને કેદારનાથ સહિતના ઊંચાઈવાળા વિસ્તારોમાં બુધવારે વર્ષની પ્રથમ હિમવર્ષા થઈ હતી. કેદારનાથમાં આ વર્ષની પ્રથમ હિમવર્ષા થઈ. જેના કારણે આસપાસની પહાડીઓ બરફની ચાદરથી ઢંકાઈ ગઈ છે.

#WATCH | Uttarakhand: Gangotri temple in Uttarkashi received fresh snowfall last night. pic.twitter.com/qnqhC9HfJs

— ANI UP/Uttarakhand (@ANINewsUP) January 12, 2023

હિમવર્ષા સહિત હળવો વરસાદ

કેદારનાથમાં મંદિર રોડ સહિત મંદિર પરિસર બરફથી ઢંકાઈ ગયુ છે. આ સાથે જ ઠંડીનો પ્રકોપ પણ વધ્યો છે. જાન્યુઆરીના પ્રથમ સપ્તાહમાં શુષ્ક રહ્યા બાદ હવે હવામાનની પેટર્ન બદલાઈ ગઈ છે. ચારધામ સહિત અન્ય ઊંચા શિખરો પર મધ્યમ હિમવર્ષા, નીચલા ભાગોમાં હળવો વરસાદ પણ નોંધાયો હતો. હવામાન વિભાગે ગુરુવાર સુધી ઠંડી અને હિમવર્ષા સાથે વરસાદની સંભાવના વ્યક્ત કરી છે.

English summary

Uttarakhand Snowfall: Gangotri, Auli, Chamoli, kedarnath badrinath heavy snowfall video