Valentine's Day: હિંદુ મહાસભાનુ નવુ ફરમાન, ખુલ્લામાં પ્રપોઝ કર્યુ તો...

Published: Wednesday, February 14, 2024, 10:33 [IST]

Valentines Day 2024: આજે વેલેન્ટાઈન ડે, પ્રેમીઓનો દિવસ. આ દિવસને પ્રેમી યુગલો તહેવારની જેમ ઉજવે છે. ઘણા લોકો આ દિવસની રાહ જોતા હોય છે જેથી તેઓ પોતાની પસંદની વ્યક્તિ પ્રત્યે પોતાની લાગણી વ્યક્ત કરે અને તેમના પ્રત્યે પ્રેમ વ્યક્ત કરે.

જે લોકો પોતાનો પ્રેમ જાહેરમાં વ્યક્ત કરવાનું વિચારી રહ્યા છે તેમના માટે એક મહત્વપૂર્ણ સમાચાર છે. ઉત્તર પ્રદેશના ફરુખાબાદની હિન્દુ મહાસભાએ જાહેરાત કરી છે કે જો તમે આ દિવસે ખુલ્લેઆમ પ્રેમ વ્યક્ત કરતા પકડાઈ જશો તો હિન્દુ મહાસભાના લોકો તમારા લગ્ન તુરંત કરાવી દેશે.

હિંદુ મહાસભાના લોકોએ કહ્યું છે કે આજે જો કોઈ કપલ હોટલ, રેસ્ટોરાં કે મોલમાં પોતાનો પ્રેમ વ્યક્ત કરતા જોવા મળે તો તરત જ તેમના લગ્ન થઈ જશે. હિન્દુ મહાસભા યુવા મોરચાના પ્રદેશ અધ્યક્ષ વિમલેશ મિશ્રાએ કહ્યું, "પ્રેમ કરવો એ ખોટું નથી, પ્રેમ માતા-પિતા, ભાઈ-બહેન માટે હોય છે. પરંતુ સનાતન ધર્મ અને સંસ્કૃતિને નષ્ટ કરીને જાહેરમાં પ્રેમ કરવો એ બિલકુલ ખોટું છે."

આજે હિન્દુ મહાસભાના લોકો શહેરની તમામ હોટલ, રેસ્ટોરાં અને પાર્ક પર ચાંપતી નજર રાખશે અને જો કોઈ કપલ જાહેરમાં પ્રેમ કરતા જોવા મળશે તો તાત્કાલિક કાર્યવાહી કરવામાં આવશે અને તેમના મંદિરમાં લગ્ન કરાવવામાં આવશે.

આ સાથે હિન્દુ મહાસભાએ હોટલ અને રેસ્ટોરાંના માલિકોને પણ ચેતવણી આપી છે. હોટેલ અને રેસ્ટોરાંના માલિકોને કહેવામાં આવ્યું છે કે જો તેમની હોટલ કે રેસ્ટોરામાં કોઈપણ પ્રકારની ખોટી પ્રવૃત્તિ જોવા મળશે તો તેમની સામે વહીવટીતંત્ર દ્વારા કડક કાર્યવાહી કરવામાં આવશે.

આ ઉપરાંત હોટલ માલિકોને પણ અનુરોધ કરવામાં આવી છે કે જો કોઈ યુવક કે યુવતી ઓનલાઈન બુકિંગ કરાવ્યા બાદ તેમની હોટેલમાં આવે તો તેમની ઓળખ માટે બંનેના આધાર કાર્ડ ચેક કરે.

Published On February 14, 2024