Video: ભારતીય સેનાએ LOC પર પાકિસ્તાનના ચોકી ઉડાવી

ભારતીય સેનાએ જમ્મુ કાશ્મીરના નૌશેરામાં ધૂસણખોરીમાં મદદ કરતી પાકિસ્તાનની ચોકીને ગોળા બારૂદથી ઉડાવી દીધી છે. જુઓ તેનો વીડિયો.

Updated: Tuesday, May 23, 2017, 19:01 [IST]

સેનાની તરફથી મંગળવારે જાણકારી આપવામાં આવી છે કે તેણે નૌશેરા સેક્ટરમાં પાકિસ્તાનની તે ચોકીને ગોળા બારૂદથી ઉડાવી દીધી છે જે ધૂસણખોરોને મદદ કરી રહી હતી. મેજર જનરલ અશોક નરુલાની તરફ આ અંગે આજે અધિકૃત જાહેરાત કરવામાં આવી છે. મેજર જનરલ નરુલાએ જણાવ્યું કે આ ચોકીઓ પર ચાર ધૂસણખોરોને મદદ આપવામાં આવી રહી હતી. સાથે જ તેમણે કહ્યું કે આ દ્વારા ભારતીય સેનાએ પાકિસ્તાનને કડક શબ્દોમાં જવાબ આપ્યો છે. મેજર જનરલ નરુલાએ કહ્યું કે સેના કાશ્મીરમાં શાંતિ ઇચ્છે છે. આ કાર્યવાહી કાઉન્ટર ઇનસર્જન્સી હેઠળ કરવામાં આવી છે. સેનાએ તોપની મદદથી પાકિસ્તાનની ચોકી પર હુમલો કર્યો છે.

ઉલ્લેખનીય છે કે પાંચ દિવસથી શાંતિ પછી પાકિસ્તાન તરફથી પણ ભારતના કાશ્મીર વિસ્તારમાં રવિવારે ભારે ગોળાબારી કરવામાં આવી હતી. જેના જવાબમાં સેના તરફથી પણ કાર્યવાહી કરવામાં આવી હતી. સેના દ્વારા પાકિસ્તાન પર ધૂસણખોરોને હથિયારોની મદદ કરવામાં આવે છે તેવો પણ આરોપ લગાવવામાં આવ્યો છે. ત્યારે પાકિસ્તાનની ચોકીને ભારતીય સેના દ્વારા ઉડાડવામાં આવી છે તેનો સેનાએ એક વીડિયો પણ જાહેર કર્યો છે. ત્યારે જુઓ આ વીડિયો.