ડ્રગ્સ કેસ: બોક્સર વિજેન્દર સિંહે આપ્યો લોહીનો નમૂનો
ચંદીગઢ, 12 માર્ચ: ડ્રગ્સ તસ્કરી કેસમાં ઓલંપિક મેડલ વિજેતા બોક્સર વિજેન્દર સિંહે આજે મંગળવારે લોહીનો નમૂનો આપ્યો છે. સૂત્રોના જણાવ્યા અનુસાર વિજેન્દર સિંહે પોતાના લોહીનો નમૂનો આજે હરિયાણા પોલીસને આપ્યો હતો. હરિયાણા પોલીસની આગળની તપાસ માટે પોલીસને નમૂનો આપશે. પંજાબ પોલીસ વિજેન્દર સિંહને મંગળવારે ફરીથી પુછપરછ કરશે.
અત્રે ઉલ્લેખનીય છે કે વિજેન્દર સિંહે ડ્રગ્સ તસ્કરી કેસમાં સોમવારે પંજાબ પોલીસ દ્રારા કરવામાં આવેલી પુછપરછ દરમિયાન તપાસ માટે લોહી તથા વાળના નમૂના આપવાની મનાઇ કરી દિધી હતી. આ જાણકારી પોલીસે આપી હતી. પોલીસ સુત્રોના જણાવ્યા અનુસાર પંચકુલા નજીક પોલીસ લાઇનમાં વિજેન્દર સિંહને પંજાબ પોલીસ અધિકારીઓની એક ટુકડીએ સોમવારે સાંજે પુછપરછ કરી હતી. આ પુછપરછ લગભગ સાડા ત્રણ કલાક સુધી ચાલી હતી.
જો કે આ પહેલાં વિજેન્દર સિંહનું કહેવું હતું કે તેમનું ડ્રગ્સ સાથે કંઇ લેવા-દેવા નથી અને તે તપાસમાં સામેલ થવા માટે કોઇપણ સમયે તૈયાર છે. આ સાથે જ તેમને ડોપ ટેસ્ટ માટે હા કહી હતી. અત્રે ઉલ્લેખનીય છે કે હાલમાં પંજાબ પોલીસે મોહાલીના જિરખપુરના એનઆરઆઇ અનૂપ સિંહ કાહલોના ઘરે રેડ પાડી 26 કિલો હેરોઇન જપ્ત કર્યું હતું. હેરોઇનની કિંમત આંતરરાષ્ટ્રીય બજારમાં 130 કરોડ આંકવામાં આવે છે.
Click it and Unblock the Notifications
Sign in with Google
